MERKEZÊ XEBERAN - Goreyê raporê aşma gulane yê KCDPî, camêrdan aşma gulane de 40 cinî qetil kerdî, 20 cinî zî bi hawayêkê şikin dinyaya xo bedelnayî.

 

Goreyê raporê Platformê Ma do Kiştişê Cinîyan Vindarnê (KCDP) ê gulanê 2024ine; aşma gulane de camêrdan 40 cinî qetil kerdê. 20 cinî mîyanê şert û mercê şikdar de merde ameyî vînayîş. 40 cinîyan ra 14 cinî bi bahaneyê ke wazenê derheqê cuya xo de qerar bidê, pêkerdiş red kerdê, nêwaştê bizewicîyê, 2 cinî bi bahaneyê ke qerarê pawitişî vetê, 1 wexto ke kênaya xo pawita, 3 zî bi bahaneyê ekonomî. Nê cinîyan ra 20 zî bi çi bahaneyî ameyê qetilkerdiş nêame zanayîş.

 

Se ra 38ê cinîyan hetê camêrdê ke înan reyde zewicnaye bîyê ameyê qetilkerdiş

 

Raporo ke nameyê cinîyê ke ameyê qetilkerdiş yew bi yew yenê parekerdiş û hîkayeyê têkoşînê înan ê seba cuye ameyê parekerdiş, ame dîyarkerdiş ke nînan ra 40 cinî 15ê ci hetê camêrdê ke înan reyde ameyê zewicnayîş, 6 hetê pî, 4 ci ra zî hetê camêrdê ke înan reyde mîyanê têkilî de yê, 4 hetê kêsê ke nas kerdêne, 3 merdimî û 2 ci ra hetê mêrdeyê ke înan reyde zewicnaye bî, 2 hetê camêrdê ke verê înan reyde têkilî de bîyî, 1 hetê birayê xo ra, 1 hetê lajê xo ra û 1 zî hetê kesê pê reyde tîkilî dayê ro, 1 zî nêame zanayîş hetê kamî ra. Rapor de ame dîyarkerdiş ke  38 cinî hetê camêrdê ke ci reyde ameyê zewicnayîş û ameyê qetilkerdiş.

 

Cinî xeylê xo keye de û bi çeke ameyê qetilkerdiş

 

Goreyê raporî; nê cinîyan ra 25ê xo keye de, 6 kuçe de, 2 wesayît de, 2 cinî cayêk tenê û 2 zî cayê karî de ameyê qetilkerdiş. Nêame dîyarkerdiş ke 3 cinî ça ameyê qetilkerdiş. Se ra 63yê cinî ke aşma gulane de ameyê qetilkerdiş, keyeyê xo de ameyê qetilkerdiş. 40 cinî 19 ci ra bi çeke, 13 ci ra bi hacet birnayê, 4 cinî bi metodê xeniqnayîşî, 2 cinî bi veşnayîşî û 1 zî bi eştişê berzî ameyê qetilkerdiş. Cinîyêke zî nêame tespîtkerdiş ke senî ameya qetilkerdiş.