MERKEZÊ XEBERAN - TJA, dîyar kerd hukmatê AKP-MHPyî çarçewaya "Planê Vîndîkerdişî" de Şaredarîya Colemêrgî desteser kerd û hemverê rejîmê qeyûmî de venga têkoşînî kerd.

 

Reaksîyonê hemverê tayînkerdişê qeyûmî yê Şaredarîya Colemêrgî ya DEM Partî û destbendkerdişê Hemşaredar Mehmet Sîddik Akişî de dewam kenê. Têgêrayîşê Cinîyê Azade (TJA) eşkerayîya xo ya nuşteyî de da dîyar kerdî ke îqtîdarê AKP-MHPyî dişminîya hemverê cinî û kurdan de vurnayo polîtîkayê îmhayî yê hîra.

 

 

Eşkerayîye de ame dîyarkerdiş ke hukmatê AKP-MHPyî çarçewaya "Planê Vînîkerdişî" de îradeyê şarî bi taybetî cinîyam desteser kerdo û bi tayînkerdişê qeyûman Şaredarîya Colemêrgî desteser kerda û Hemşaredar Mehmet Sîddik zî bi hawayêkê bêhuqûqî destbend kerdo. 

 

Eşkerayîye de wina ame vatiş: “Senîn ke pêro şarê ma sere de cinî û rêxistinê girseyî yê demokratîkî Wan û Hîlwan de paştdayîş dayî îradeyê xo, ma bawer ê ke şima do Colemêrg de zî eynî îrade bimojnê. Serê nê bingehî de ma venga şarê xo yê hêja û sere de cinî û pêro rêxistinê girseyîyê demokratîke kenê ke hemverê îqtîdarî têkoşîn bikerê.”