MERKEZÊ XEBERAN- Wezaretê Karê Zerreyî ê hemşaredarê ke colemêrgijan weçînabî, wezîfe ra dûr vist û eşkera kerd ke qeyûm tayînê şaredarî ameyo kerdiş. 

 

Mehmet Siddik Akişo ke weçînayîşê herêmî yê 31ê Adare de Colemêrg de DEM Partî ra bi dayeyê se ra 48.92 sey hemşaredar ame weçînayîş, ewro saetê serê sibayî de Wan de ame destbendkerdiş. Dimayê ke Mehmet Siddik Akiş destbend bî, şaredarî kerdî binê ablûqa. 

 

Wezareta Karê Zerreyî eşkera kerd ke Mehmet Siddik Akiş wezîfe ra ameyo dûrvistiş û vera ey qeyûm ameyo tayînkerdiş. Parekerdişê medyaya dîjîtale de ame vatiş ke derheqê Mehmet Siddik Akiş de bi îdîayê “îdarekarîya rêxistine” , “endamîya rêxistine” û “propagandaya rêxistine” bi hûmara 2014/173 1ine Dadgeha Cezaya Giran ya Colemêrgî dosyayêke est a. Ame neqlkerdiş ke muhakemekerdişê qalê ci yeno kerdiş, dewam keno. 

 

Sewbîna ame dîyarkerdiş ke derheqê Mehmet Siddik Akiş de bi îdiayê “endamîya rêxistine” cipersayîşêk newe est o û Mehmet Siddik Akiş na çarçewa de ameyo destbendkerdiş. Eşkerayîye de ame neqlkerdiş ke Mehmet Siddik Akiş  “sey tedbîrê derbazdar hetê Wezaretê Karê Zerreyî ra wezîfe ra ameyo dûrvistiş.” 

 

Vera Mehmet Siddik Akişî, Walî Alî Çelîk sey qeyûm ame tayînkerdiş.