AMED - Dozgerî seba polîs Serdar Goko ke bi kutik îşkence Rojbîn Sevîl Çetîne rê kerdibî, beraet waşt. 

 

Amed de 26ê hezîrana 2020î de polîsan eştbî serê keyeyê aktîvîsta Têgêrayîşê Cinîyê Azade (TJA) Rojbîn Sevîl Çetîn. Polîsan bi kutik îşkence Sevîle rê kerdibi. Dimayê ke 11 rojan destbendkerde de mende, hetê Dadgeha Amedî ra amebî tepiştiş. Perwerdekarê kutikî polîs Serdar Gok seba îşkence Sevîle kerdibi, yeno muhakemekerdiş. Roniştişê dewaya polîsî 9ine Dadgeha Cezaya Asliye ya Amedî ame kerdiş. Avûkata Sevîle, Ozum Vurgun tewrê roniştişî bî. Dozgerî derheqê polîsî de mutalaya xo da û polîsî rê beraet waşt. Avûkate Ozum Vurgun hemverê mutalaya polîsî de waştişê demê zêde kerd. 

 

Heyetê dadgehe waştişê avûkatî qebûl kerd û roniştiş taloqê 5ê teşrîna peyêne kerd.