Melek Avci

 

ANQARA - Seba çalakîya tecrîdî ke 12 serrî yo verê Konseya Ewropayî de pê yeno, emser çarçewaya hemleyî de 1ê Hezîrane de do çalakîya girseyî û 25ê Hezîranê de zî verê KEyî de çalakîyê dewrgirewtişî nobete ya girseyî pê bêro.

 

Hemleyê "Abdullah Ocalanî rê azadî, problemê kurdî rê çareserî" 10ê teşrîna verêne 2023ine ra heta nika dewam kena. Kurd û dostê kurdan her cayê dinya de venga Komîteyê Vernîgirewtişê Îşkenceyî yê Ewropayî (CPT) û Konseyê Ewropayî (KE) kenê. La bêvengîya sazgehan dewam kena. Nobeta verê KEyî ke hezîrane de 12 serranê xo pirr kena, do bêmabên dewam bikero. Verfeka KCKD-Eyî û hemleyê "Abdullah Ocalanî rê azadî problemê kurdî rê çareserî" Zubeyde Zumrute, dîyar kerd ke çarçewaya hemleyî de di bernameyê pîlî vernîya înan de est ê.

 

Zubeyde dîyar kerd ke 10ê teşrîna verêne 2023ine heta nika hemle dewam keno û wina vat: “25 serrî yo hemverê sîstemê Îmraliyî de têkoşînêk est o. Wexto ke Rayber Apo teslîmê Tirkîya ame kerdiş, xeylêk kampanya ameyî kerdiş û têkoşînê nê ame dayîş. La no dem bi dem bî. Hemleyê 10ê teşrîna verêne de sewîyeya global de hemleyêk azadîye yo. Heta Rayber Apo azad nêbo û tecrîd nişiko do hîra bibo. Kampanyayê hemleyî dewam kenê û do dewam bikerê. Her roje hetê cîya û şarê kurdî, şexsîyetê muhîmî raportajan danê û tecrîd qebûl nêkenê. Kurdî tenê nê hemleyî nêkenê. Hemleyî reyde kelecanêk babeta vatîşî yo.”

 

‘Her çalakîya ke ma Strazburg de kenê muhîm a’

 

Zubeyde dîyar kerd ke sewîyeya yewin vernîya mîtîngê Kolnî bi xeylêk çalakî û bernameyan peynî kerdî û sewîyeya diyîn zî 1ê Adare de bi çalakî û kampanyayan kerdî. Zubeyde wina ard ziwan: “Çalakî çapemeniya netewî de zî ca girewtî. Rayaumûmî awan bî. Kewte rojeva welatan. Bêşik nê bi nînan nêqedênê. Wexto ke sewîyeya diyîne ameye plankerdiş hîn plansazî vernîya ma de bî. Vernîya ma de Strazburg est o. Rayîrşîyayîş û mîtîng virazîyayî. No seba ma muhîm o. Hetê muxatabê Ewropa ra muhîm o. Ma venga berpirsyarî Konseyê Ewropa û CTP kenê.”

 

‘Endamê xoverdayîşê 25 serran’

 

Zubeyde vat, Konseyê Ewropa û CPT caardişê bêhuqûqî yê tecrîdî nêvînenê û wina vat: “CPT tecrîd qebûl keno la vano ke bi sebebê sîyasî eşkerayîye nêdanê. CPT sazgehêk xoser o. Lê çi heyf babeta Îmraliyî de çîyêk pare nêkeno. Sey netîceyê xoverdayîşê ke Rayber Apo 25 serrî yo Îmraliyî de dano, ewro bi hezaran dost, roşnvîr, nuştox, akademîsyen û avûkatî hemleyê azadîye de ca gênê.”

 

 

25ê hezîrane de nobeta girseyî

 

Zubeyde dîyar kerd, bi wesîleya ke kewenê serra  13ine do 25ê Hezîrane de vengdayîş û peyaman bidin û wiha anî ziman: “Dema nobet bê mesajan bidê û do bi dîplomasî û komîteya têkilîyê teberî ra dewr bigîrê. Tewrbîyayîşêk girseyî do bibo û ma do mesajê xo bidê. Ganî CPT lezkî şêro grava Îmraliyî û eşkerayîyêke bido. Ganî Konseyê Ewropayî berpirsyarîyê xo ca bîyaro. 25ê Hezîrane de do çalakîya Strazburgî bibo. Ancî 1ê Hezîrane de do bi serkêşîya yewîya Hêzê Demokratîke yê Ewropa, pêro welatê Ewropa de şar seba azadîya fîzîkî ya Abdullah Ocalanî û şikinayîşê tecrîdî vejîyê kuçeyan.