AMED - Roniştişê dewaya rojnamegere Nurcan Yalçin ke dimayê cezaya ci rê birîya, hetê îstînafî ra ameye xirakerdiş û taloq kerdî.

 

Bi îdiayê “endamîya rêxistine” û “propagandaya rêxistine” 22yê teşrîna 2021ine de 3 serrî û 7 aşmî û 22 rojî cezaya zîndanî rojnamegere Nûrcan Yalçin rê birnayî. Dadgeha Îstînafî bi sebebê ke 4ine Dadgeha Cezaya Giran ya Amedî de dewayêke newe ameya akerdiş û cipersayîşêk yeno rayîr ra berdiş, da zanayîş ke bê têkilîyê her di kerdişan bêro cigêrayîş, qerar ameyo dayîş. Îstînafî zî seba nê qerar xira kerd. 

 

Dimayê ke qerar ame xirakerdiş newe ra muhakemekerdişê Nûrcane dest pêkerd. Roniştişê ewilî yê Nûrcane ewro 9ine Dadgeha Cezaya Giran ya Amedî de ame kerdiş. Nûrcane û avûkatê aye Resûl Temûr amade bî. Nûrcane, dîyar kerd ke pawitişê xo yê vernîya xirakerdişî reyna kena. Avûkatê Nûrcane Resûl Temûrî zî dîyar kerd ke beyanê xo yê vernîya nika reyna keno û waşt ke kêmîyê dosya bêrê temamkerdiş. 

 

Dozgerî zî waşt ke kêmîyê dosya de yê bêrê temamkerdiş. Heyetê dadgehe qerar da ke paweyê netîceyê cipersayîşê derheqê Nûrcane de dewam keno bêro vindarnayîş û nimûneyê dosyaya ci ya ke hetê 4ine Dadgeha Cezaya Giran ya Amedî ra qerarê ameyê dayîş û Dadgeha Îstînafî cigêrayîşî de bikerê mîyanê dosya. Dadgehe sewbîna qerar da ke Mudûrîyê Polîsan ê Amedî bêro perskerdiş ka derheqê Nûrcane de şahidêk bîn, yan zî cipersayîşêk bîn est o yan nê. 

 

Roniştiş taloqê 26ê teşrîna peyêne ame kerdiş.