MERKEZÊ XEBERAN - Meclîsê Cinîyan ê Nûda yê Freîbûrgî xebatanê xo kenê, seba azadîya fîzîkî ya Rayberê PKKyî Abdullah Ocalanî bi seyan mektubê bi îmzayê cinîyan CPTyî rê şirawitî.

 

Kampanyaya mektuban ke hetê Têgêrayîşê Cinîyê Kurdî yê Ewropayî ra seba azadîya Rayberê PKKyî Abdullah Ocalanî, CPTyî bikerê têgêrayîş dayî destpêkerdiş, dewam kena. Meclîsê Cinîyan ê Nûda ke bajarê Freîbûrgî yê Almanyayî de xebatanê xo keno, venga CPTyî kerd ke berpirsyarîyê xo yê hemverê sîstemê Îmraliyî ca bîyaro û 857 mektubê ke na çarçewa de amade kerdê, adresê sazgehî rê şirawitî.

 

Cinîyan venga sazgehê sey CPTyî kerdî ke babeta azadîya Abdullah Ocalanî û çareserîya problemê kurdî de berpirsyarîyê xo ca bîyarê û dîyar kerdî ke êdî nêeşkenê hemverê nê nêheqîyê vera Abdullah Ocalanî ke heta nika agahî ci ra nîna girewtiş, bêveng bimanê.