AMED - Operasyonê leşkerî yê dewa Nenyasî ya Licê de welatijo bi nameyê Mehmet Yildirim dinyaya xo bedelnaye. Heto bîn ra bi saetan keye bi çekanê giranan ame gulevarankerdiş. 

 

Vizêr şan de saete derûdorê 22.00ine de leşkeran derûdorê dewa Nenyasî ya ke girêdayeyê qezaya Licê ya Amedî ya, kerdî binê ablûqa. Leşkeran bi helîkopter û çekanê giranan keyeyêk ke ci de tutî û cinî estbî, da guleyan ver û keye nêzdîyê 4 saetî binê ablûqa de mendi. Ablûqakerdişê dewe saete 02.20ine de peynî bî.  

 

Operasyonê dewe de welatijo bi nameyê Mehmet Yildirim dinyaya xo bedelnaye. 

 

Heto bîn ra bajarê derûdorî ra heyetan verê xo dayî cayê operasyonî. Keyeyê Mehmetî zî seba teşhîskerdişê cenazeye verê xo da Amed.