Nazlican Nûjîn Yildiz

 

ÎZMÎR - Paştdayîşê Morî ke keweno serra xo ya 10ine 26ê Gulane de bi hawayêkê hemdem do hîrê herêman de konferans bikero. Endama Paştdayîşê Morî Sehel Oto derheqê konferansî de qisey kerd û muhîmîyê têkoşînê hempar ê cinîyan ard ziwan û venga tewrbîyayîşê konfansî pêro cinîyan rê kerd.

 

Paştdayîşê Morî bi sloganê ‘tenê ma nê ma pîya xurt ê’ do 26ê Gulane de bi hawayêkê hemdem herêmanê Ege, Marmara û Başûrî de konferans organîze bikero. Herêma Egeyî 26ê Gulane de saete 13.30ine de Merkezê Kulturî yê Turkan Saylanî de konferans bêro organîzekerdiş. Endama Paştdayîşê Morî Sehel Oto derheqê konferansî de qisey kerd û da zanayîş ke do konfrans de rêxistinê cinîyan ca bigîrê û probleman pîya munaqeşe bikerê. Sehele dîyar kerd ke ganî pêro cinî tewrê konferansî bibê.

 

‘Bi tenê nê, ma pîya xurt ê’

 

Sehele dîyar kerd ke emser 10ine serrgêra paştdayîşê Morî pîroz kenê û wina vat: “Paştdayîşê Morî bi wesîleya serra 10ine do hîrê herêman de konferans organîze bikero. Bi şîarê ‘Tenê ma nê, ma pîya xurt ê’ vejîyayî rayîr. Sebebê ke ma herêman de konferans kenê no yo; ma waşt problemê herêman bêrê tespîtkerdiş û nê ser de rayîrê çareserî bêrê vînayîş. Ma do nê ser de têbigêrê.”

 

Do probleman berê konferans

 

Sehele dewam de wina vat: “Ma do derheqê xeylêk têkoşînan de qisey bikerê. Ma sey Paştdayîşê Morî xebatê taxan kenê. Ma probleman nêzdî ra taqîb kenê. Ver bi konferansî de ma rewşêke ma nê probleman berê konferans ciwîyayî. Bêşik pêwa ke ma xeylêk hewl danê hetê ma yê qelsî mendê zî est ê. Heta sîstemê kapîtalîst ê patrîarkal birijîyo do hetê kêmî bibê. Pêwa nê ma do têkoşîn dewam bikerê. Ma prosesêk ke şer tesîr serê pêro hetê cuya ma kerdo ra derbaz benê. Hemverê nê tehlukeyan de têkoşînê yewbîyaye xeylêk muhîm o.”

 

‘Paştdayîşê cinî do pêro dêsan birijno’

 

Sehele vat, konferans de do rêxistin û têgêrayîşê cinîyan ê cîya zî ca bigîrê û wina vat: “Ma sey Paştdayîşê Morî konferans rêxistin bikerê zî rêxistinê cinîyan ê cîya zî do ca bigîrê. Xeyalê ma pêro cinîyan cuyêka têduşt a. Biserkewtişê nê têkoşînî derbaz beno. Ma venga pêro cinîyan kenê ke konferans de ca bigîrê.”