WAN - Tepişteya nêweşe ya girane Hanîfe Arslan seba raporê heyetî, sewqê Nêweşxaneyê Perwerde û Cigêrayîşî yê Herêma Wanî kerdî. 

 

Pêwa pêro hewldayîşê seba veradayîşê tepişteya nêweşe ya girane Hanîfe Arslan (76) seba raporê weşîye sewqê Nêweşxaneyê Perwerde û Cigêrayîşî yê Herêma Wanî kerdî. Nêweşîyê KOAH, mîde, tansîyona berzî û ziwabîyayîşê awe yê çokî Hanîfe est ê. Seba nêweşîyan Hanîfe serê kursîya biteker cuya xo dewam kena. 

 

Avûkata Hanîfe wexto ke 26ê çeleyî de serdayîşê aye kerd, Hanîfe sewqê Nêweşxaneyê Perwerde û Cigêrayîşî yê Herêma Wanî amebî kerdiş. Nêweşxaneyî raporê “eşkena zîndan de bimana” amade kerdibî.