MERKEZÊ XEBERAN - Dewleta tirkan bombardûmanêk giran serê Minbicî de kerd. Netîce de zî cinîyêke ameye qetilkerdiş.

 

Goreyê eşkerayîya Meclîsê Leşkerî yê Minbicî, dewleta tirkan û çeteyê girêdayeyê ci bombardûmanêk giran dewanê Minbicî rê kerdî.

 

Eşkerayîye de nê zanayîşî ameyî parekerdiş: "Artêşa tirkan a îşxalkere û çeteyê ci, dewa ke roniştoxî ci de bî, bi çekanê giranan topvaran kerd. Topvaran saete 00.00ine de dest pêkerd û heta serê sibayî dewam kerd.

 

Dewê Cat, Ewn Dadat û Toxarî yê vakurê rojhelatê Minbicî bi 24 guleyê hawan û obîsan ameyî topvarankerdiş.

 

Dewa Dendeniye bi 8 guleyê hawan û obîsan, dewa Seyada bi 59 guleyan û dewa Yanlî bi 10 guleyan hedef girewtî. Sewbîna dewê Kawiklî, Qert Wêran û Erîme zî bi 64 guleyê hawan û obîsan û dewa Cib Mexzûmî ya rojawanê kantonî zî bi 7 guleyê hawan  û obîsan ameye topvarankerdiş."

 

Demêk kilm dimayê na eşkerayîye de, bombardûmanî de cinîyêke zî ameye qetilkerdiş, 5 kesî zî birîndar bîyî.