MERKEZÊ XEBERAN - Koordînasyonê CKFyî bi eşkerayîyêke seba Festîvala Ciwanê Kurdistanî yê 25ê Gulane venga tewrbîyayîşî kerd ke do bajarê Freîbûrgî yê Elmanyayî pê bêro.

 

Koordînasyonê Ciwananê Kurdistanî yê Fransayî (CKF) seba Festîvala Ciwanê Kurdistanî venga tewrbîyayîşî kerd ke do 25ê Gulane de bajarê Freîbûrgî de bi sloganê 'kultur zirxê bîyayîşê ma yo' bêro organîzekerdiş.

 

Koordînasyonê CKFyî hemverê polîtîkayê asîmîlasyonî bale antî serê muhîmîyê kultur û seba 'Ciwananê azadan, cuya azad' veng da.

 

 

Eşkerayîye de ame vatiş, "Seba pawitişê kultur, ziwan û bîyayîşê xo 25ê Gulane de ma Freîbûrgî de bêrê têhet.

 

Festîvala Ciwanê Kurdistanî ke her serre yeno organîzekerdiş, emser 25ê Gulane de bajarê Freîbûrgî yê Elmanya de bi sloganê 'kultur zirxê bîyayîşê ma yo' yeno organîzekerdiş. Festîvala Ciwanê Kurdistanî do hemverê înkar, asîmîlasyon û dejenerekerdişê kulturî bibo îtirazêk xurt. Ciwanê ke seba polîtîkayê zordar û tedayê dewlete mêtinger çar parçeyê Kurdistanî koç kerdê, Ewropa de teda înan rê yeno kerdiş ke ziwan, kultur û nasnameyê xo ra qut bibê. Hemverê neteweyê dewletan ê mêtinger ke hewl danê ciwanî bê ca, bê war û bê nasname awan bikerê, yewin çare awankerdişê komelêk siyasî û rêxistinî yo.

 

Seba ciwanê Ewropayî yewin rayîrê pawitişê bîyayîşê bi zirxê kulturî beno. Sey ciwanê Kurdsitanî yê ziwan û wareyê xo dûr kewtê, ma wazenê nasname û bîyayîşê xo bipawê. Ciwanî ganî xo ra bawer bikerê, sey serkêşê cuya rêxistinbîyaye hîn bi xurtî tewrê mîyanê têkoşînî bibê. Ciwanê Kurdistanî yê mecbûr mendî surgûnê Ewropayî bibê, teda înan rê yeno kerdiş ke amancê şorişgêrî-welatperwerî dûr bikewê û bikewê mîyanê bê hêvî. Ma do cuya ke serê ma de yena ferzkerdiş qebûl nêkerê."

 

Peynîya eşkerayîye de seba pawitişê kultur û bîyayîşî venga kurdistanijê ke Ewropayî de yê ame kerdiş ke beşdarê festîvala bajarê Freîbûrgî rê bibê.