AMED- Şaredarîya Amedî ya Bajarê Girdî bi Serekîya Daîreya Cinî û Xizmetê Keyeyî perwerdeyê nêtêduştîya cînsîyetê komelkî dana.

 

Serekîya Daîreya Cinî û Xizmetê Keyeyî perwerdeyê nêtêduştîya cînsîyetê komelkî mehlayanê cîya-cîyayan de Merkezê Cuya Cinîyan de dana.

 

Perwerdeyê ke Merkezê Cuya Cinîyan yê Ben û Sen, Koşûyolû, Lalebey û Berê Mardînî de yenê dayene, perwerdeyî de Sereka Daîreya Cinî û Xizmetê Keyeyî Ozden Gurbuz Sumer qisey kerd û projeyê xo kursîyeran rê îzah kerd û cinîyî goşedarî kerdî.

 

Dima Psîkologe Dîlan Guven cinîyan rê nê warî de perwerde da.

 

Goreyê programî 23 gulane de Yenîkoy de 24ê gulane de Merkezê Cuya Cinîyan yê Ahmet Arîfî de perwerde do dewam biko.

 

Perwerdeyî de kursîyerî perwerdeyî ra teber behsê problemanê xo kenê û xo îfade kenê.