MERKEZÊ XEBERAN - Partîya Soraya ya Demokratîke ke Înîsîyatîfê Azadîya Rayber Abdullah Ocalanî reyde pêvînayîş kerd, dîyar kerd ke seba azadîya fizîkî ya Rayber Abdullah Ocalanî çi şarê asûrî rê bêro weştiş, ê amadeyê ke ca bîyarê.

 

Çarçewaya hemleyê “Abdullah Ocalanî rê azadî, problemê kurdî rê çareserî" de, Înîsîyatîfê Azadîya Rayber Abdullah Ocalanî yê Sûrîye ewro Partiya Soraya ya Demokratîke reyde pêvînayîş kerd.  

 

Pêvînayîş de Hemsereka Partîya Soraya ya Demokratîke Madlîn Xemîs dîyar kerd ke ê sey partîyêke Asûrî tewrê hemleyê azadîye benê, xeylêk reyan herême de beşdarê çalakîyê protestokerdişê tecrîdê hemverê Abdullah Ocalanî bîyê û vat: "Babeta tecrîdî seba ma babetêka hesas a û tesîrê ci yê negatîf serê pêro pêkerdişan de est o."

 

Madlîn Xemîs da zanayîş ke felsefeya Abdullah Ocalanî mîyanê pêro şarê dinya de vila bîya, cuya rojane de fikrê ey gane yê û wina vat: "Serekî ruhê cuye dayo şaran, hêzê komplogerî hemverê Rayber Abdullah Ocalanî de vînî kerdî. Ma zî hemverê înan de têkoşîn kenê."

 

Madlîn Xemîs dîyar kerd ke Abdullah Ocalan hêjayê azadîya fizîkî yo, coka çi şarê asûrî ra bêro waştiş ê amade yê ca bîyarê û vat: "Heqê Rayberî yo ke vejîyo û bivîno ke fikrê ey çi qasî tesîr serê ma de kerdo."

 

Serdayîş û pêvînayîşê Înîsîyatîfê Azadîya Rayber Abdullah Ocalanî yê Sûrîye do dewam bikerê.