MERKEZÊ XEBERAN - Meclîsê Keyeyê Şehîdan ê bajarê Girkê Legê "Cezayê dîsplînî" ke dewleta tirkan Rayberê PKKyî Abdullah Ocalanî rê birnaya, şermezar kerd û vat: "Kesêk nêeşkeno ma Rayberî ra dûr bifîno û ma do taqîbkerdoxê fehm û felsefeya eyî bê."

 

Meclîsê Keyeyê Şehîdan ê bajarê Girkê Legê vernîya merkezê xo yê bajarokê Rimêlanî de eşkerayîyêke da. Eşkerayîye de "cezayê disîplînî" yê ke dewleta tirkan Abdullah Ocalanî rê birnaya, şermezar kerdî.

 

Endamê Meclîsê Keyeyanê Şehîdan, sazgehê sivîlî, xizmetguzarî, Meclisê Qeza, Kongra Star, Têgêrayîşê Ciwanê Şorişgêrî û Yewîya Cinîyê Ciwanî tewrê çalakîye bîyî.  

 

Sewbîna endama Meclîsê Keyeyanê Şehîdan Ayşe Silêman eşkerayîye wend.

 

Eşkerayîye de ame vatiş ke dewleta tirkan sîyasetê xo yê "lêşin" hemverê Rayber Abdullah Ocalanî de dewam kena û rêxistinê merdiman û yê huqûqî bêveng ê.

 

Eşkerayîye de ame dîyarkerdiş ke dergkerdişê demê tecrîdî yeno manaya ke dewleta tirkan sîyasetê  qirkerdişî hemverê şaran de dewam kena.

 

Eşkerayîye de helwestê mîyanneteweyî, CPT û rêxistinê huqûqî ameyî şermezarkerdiş û vengdayîş ame kerdiş ke helwestê xo reyke bîn verê çiman de derbaz bikerê, serê dewleta tirkan de vinderê ke seba tecrîdê serê Abdullah Ocalanî peynî bikerê.

 

Eşkerayîye de bale dîya serê amancê dewleta tirkan û wina ame vatiş: "Dewleta tirkan nê sîyasetî dewam kena, ma zî ci ra vanê, no sîyasetê to îradeyê ma nêşikineno.   Ma do têkoşîn pîlêr bikerê da ke azadîya fîzîkî ya Rayber Abdullah Ocalanî bi dest bikerê û planê dişminî veng vejê."