Mîdye Miqted

 

ŞEHBA - Hemsereka Yewîya Avûkatan a kantonê Efrîn-Şehbayî Roşîn Hido derheqê dewamkerdişê binpaykerdişê heqan û sucê merdimayî yê Efrînî de vat: "Goreyê raporê dewletanê mîyanneteweyî nê pêro kerdişê dewleta tirkan û çeteyê ci, tewirê îşxalkerdiş, qirkerdiş û binpaykerdişî yê. Nê kerdişî resayê sewîyeya şerî, sewîyeya hemverê sucê merdimayî. Sûcê binpaykerdişê heqan û merdimayî Efrîn de dewam kenê. Ma do zî têkoşînê xo yê hemverê nê de dewam kenê."

 

Destpêkê ke bajarê Efrînî kewto binê kontrolê dewleta tirkan û komê girêdayeyê ci, welatijê Efrînî bi pêro tewirê binpaykerdişî rî bi rî maneno. Tecawuz tutan û cinîyan rê yeno kerdiş. Kiştiş û şîdet înan rê yeno kerdiş. Tenê cinî, tutî nê cografyaya ci zî yena talankerdiş. Darê zeytûnan yenê birnayîş û kokê ci ra yenê wedaritiş. Zîyanê welatijan yenê veşnayîş, mal û milkê înan yenê diznayîş û înan ra yenê girewtiş. Gorê pakrewanan yenê xirakerdiş û cenazeyê înan binê herre ra yenê vetiş û vera nê cayê kayî yenê viraştiş. Sewbîna keyeyê çeteyan Efrîn de yenê bicakerdiş û hewl yeno dayîş ke demografîya nê cayî bêra vurnayîş.

 

Derheqê dewamkerdişê binpaykerdişê tewir bi tewir ê Efrînê ke binê kontrolê dewleta tirkan û komê girêdayeyê ci de  Hemsereka Yewîya Avûkatan ê kantonê Efrîn-Şehbayî Roşîn Hido ercnayîş kerd.

 

Kerdişî û binpaykerdişê Efrînî dewam kenê

 

Roşîne destpêkê qiseykerdişê xo de bale ant serê dewamkerdişê kerdiş û binpaykerdişê Efrînî û wina ercna: "Bi xususî cinî, welatijê Efrînî roja ke Efrîn hetê dewleta tirkan û komê girêdayeyê ci ameyê îşxalkerdiş, bi binpaykerdişê heqan rî bi rî manenê."

 

'Remnayîşê cinîyan dewam keno û bedelê ci pere yeno waştiş'

 

Roşîne vat cinî raştê binpaykerdişê heqan yenê û vat: "Yê ke tewr zêde binpaykerdişê heqan ra girewtî cinîyê Efrînî yê. Projeyê Xoserîya Demokratîke Efrîn de amebî roniştiş û cinî ê wextî xo resna bî sewîyeya azadî.  hatibû rûniştandin û jinan di wê demê de xwe gihandibûn asta azadiyê û di her qad û warî de cihê xwe girtibû. No hesabê dewleta tirkan nêame. Cinîyan sere nêtewêna û nînan ra yew zî Arîn Mîrkan ke xoverdayîşê Kobanê de çalakîya fedaî kerd û xo mîyanê çeteyanê DAÎŞî de teqêna. Dewleta tirkan û çeteyê aye wazenê bi rayîrê dînî komelî bigîrê destê xo û çarşefanê sîya danê cinîyanê Efrînî ro. Heta roja ma ya ewro cinî yenê kiştiş, remnayîş û tecawuzkerdiş. Sewbîna îşkenceyê fizîkî û psîkolojî cinîyan rê yeno kerdiş. Çeteyê dewleta tirkan cinî û tutan remnenê û bedelê nê de pere wazenê."

 

'Şîdet cinîyanê Şehba û Efrînî yeno kerdiş'

 

Roşîne dewam de wina vat: "Dimayê ke Efrîn ame îşxalkerdiş, xeylêk kesî mecbûr mendî fek herra xo ra vera bidê û koçber bîyî. Pêwa ke koçber ê zî la ancî rojane dewleta tirkan hêrişê înan kena. Heta nika hêrîşê hov serê kantonê Efrîn-Şehbayî de dewam kenê û xeylêk reyan cinîyê Efrînî qirkerdiş û qetilkerdişî ra derbaz bîyê û benê."

 

'Ganî dewleta tirkan Efrîn ra vejîyo'

 

Roşîne vat, Efrîn de sucê merdimayî yenê kerdiş û wina dewam kerd: "Ganî hetê dewletanê mîyanneteweyî ra bêro eşkerakerdiş ke dewleta tirkan îşxalker a û herra Sûrîye ra bêra vetiş. Seba amancê dewleta tirkan vurnayîşê  demografîk o coka ganî dewleta tirkan û çeteyê ke Efrîn de ameyê cakerdiş û zirarêk pîl danê şarî, Efrîn ra bêrê vetiş. Efrîn de sûcê merdimayî est o. Ganî dinya hemverê nê sucî de bêveng nêmana."

 

'Ganî qerarê ke dewleta tirkan îşxalker a bêro girewtiş'

 

Roşîne tewr peyîn wina vat: "Destpêk de venga ma dinya rê est o ke hewl bido û binpaykerdişê derheqê merdiman de peynî bibê. Wa derbazê cayê ameyê îşxalkerdiş bibo ke vernîya binpaykerdişê heqan bêro girewtiş. Sewbîna ma veng danê Neteweyê Yewbîyaye ke hewl bidê Tirkîya Efrînî ra vejê. Wa qebûl bikerê ke dewleta tirkan, dewletêke îşxalker a."