MERKEZÊ XEBERAN - Keyeyê Şengalî yê seba hêrişê DAIŞî ra ameyê koçberkerdiş, agêrenê Şengal.

 

Agêrayîşê şarê Şengalî yê seba ca û wareyê xo dewam keno. Vizêr 70 keyeyî, ewro zî 79 keyeyê bînî  agêrayî Şengal. Îdarekerîya Xoser ê Şengalî keyeyê ke agêrenê pêşwazî kenê û înan rê benê hetkar.

 

Kampê Mam Reşan û Êsiya yê Dihokî de 70 keyeyê Şengalî agêrayî serê ca û wareyê xi. Şengalî dewe û komelgehê Şengalî de vila bîyî û ca bîyî.

 

Koçberê Şengalî vizêr şan de resayî Şengal û bi keyfweşî ameyî pêşwazîkerdiş. Yeno pawitiş ke ewro zî 79 keyeyê Şengalî yê kampa Mam Reşan agêrê ca û wareyê xo.

 

Goreyê qerarê hukmatê Iraqî heta 30ê Temmuze kampê Başûrê Kurdistanî do bêrê padayîş. Coka agêrayîşê Şengalî demê peyîn de zêde bîyî. Pêwa astengîya PDKyî zî Şengaliyê ke kampan de yê, demê ke firsend vînenê, agêrênê wareyê xo. Îdarekarîya Xoserî ya Şengalî zî koçberan pêşwazî kena û seba cabîyayîşê înan bena hetkar.