Rozerîn Gultekîn

 

STENBOL - Rayberê PKKyî Abdullah Ocalan 38 aşmî yo tu xebere ci ra nîna girewtiş, 6 aşmî bînî zî cezaya qedexekerdişê pêvînayîşê avûkatan reyde ci rê ameye birnayîş. Avûkatî do hemverê qerarî muracatê AYMî bikerê.

 

Rayberê PKKyî Abdullah Ocalan ke Zîndanê Tîpê Fyê Asayîşê Berzî yê  Îmraliyî de binê tecrîdêk giran de yo, 25ê Adara 2021ine ra heta nika tu xebere ci ra nîna girewtiş. Pêwa nê Abdullah Ocalan û Omer Hayrî Konar, Veysî Aktaş û Hamîlî Yildirimî yê ke Îmraliyî de 6 aşmî bînî zî qedexeyê pêvînayîşê avûkatan reyde ameye birnayîş.

 

 

Avûkatê Buroyê Huqûqî yê Asrine, seba pêvînayîş ca bêro, muracatê Dadgerîya Înfazî ya 2yîne ê Bûrsayî kerdî. Avûkatan, dimayê muracatî musayî ke 3yê Gulane de muwekîlê înan rê 6 aşmî cezaya pêvînayîşî yê avûkatan reyde ameya birnayîş. Avûkatan, derheqê sebebê ceza de tu agahî bi dest nêkerdî. 

 

Îtirazê derheqê qerarê mîyanên de ameyî redkerdiş. Avûkatan, dimayê qerarê qedexekerdişî do muracatê Dadgeha Destûra Bingehîn (AYM) bikerê. 

 

Bi nê qerarê peyîn, 8 serrê peyîn de tewr tay 13 rey qerarê qedexeyê pêvînayîşê avûkatan reyde ameyo dayîş. 

 

Bi eynî qereran pêvînayîşê keyeyî reyde zî yenê astengkerdiş.