Gulîstan Gulmuş

 

AMED - Merdimê tepişteyan ke vernî de bi Nobeta Edeletî, waştişê Rayberê PKKyî Abdullah Ocalanî reyde azadîya fîzîkî û problemê kurdî rê çareserî, bîyî vengê tepişteyan, nika zî bi çalakîya ‘veng bidê azadîye’ verê zîndanan de yenê têhet.

 

Tepişteyê sîyasî yê zîndanê vakurê Kurdistanî û Tirkîya de çarçewaya kampanyaya mîyanneteweyî ya “Abdullah Ocalanî rê azadî, seba problemî kurdî çareserîya sîyasî” de, 27ê Teşrîna Peyêne 2023ine de dest bi grevê vêşanîye yê bêdem û dore kerdibî. Tepişteyê sîyasî çalakîya xo 4ê Nîsane de nêvejîyayîşê pêvînayîşî yê rî bi rî, redkerdişê pêvînayîşê bi telefonî û bi çalakîya nêvejîyayîşê dadgehan dewam kena. TUAY-DERî û merdimê tepişteyan zî qerar dayî ke bi sloganê, "Bibê vengê azadîye" do çalakî verê zîndanî de pîl bikerê.

 

Ez şina zîndan

 

Ez otobuse rê espar bena û şina verê zîndanî. Mabêne taxa Ofîse û zîndanî tay derg a. Bi ziwanê xo muzîkan goşdarî kena, badê cû zî cam ra ewnîyena teber ra. Cuye fikrîyena, cipersayîş kena û tewr zêde zî mereq kena. 

 

Resaya zîndan

 

Ez resaya zîndan. Vayêke şîdetin est o. Tepişteyê sîyasî 27ê Teşrîna Peyêne 2023ine de kewtibî grevê vêşanîye. Badê cû zî merdimê tepişteyan teber de Nobeta Edaletî dabî destpêkerdiş. 3 aşmî dewam kerd. Nika zî tepişteyî nêkewenê pêvînayîş. Ne telefon û ne zî vejîyenê dadgehe. Seba tepişteyê nêweşan rewşe zehmetin bena. Na çalakî 4ê Nîsane de dest pêkerd. Keyeyan seba çalakî bireso amancê xo rayîrêk bînî dîyî. Nika verê zîndanan de sloganê, ‘veng bidê azadîye’ çalakîya roniştişî kenê. Ez Amed de ya û nê zanê. Bajarê bînan de zî rayîrşîyayîş ame kerdiş. Ez verê zîndanî de pawe mendêne. Cinîyê ke reya ewilî yo yewbînan nas kerdêne, sohbet kerdêne û vatêne, ‘ê şima çend serrî yo tepişte yo?’ Verê zî wexto ke embazê ma amebî veradayîş, ez amebîya verê zîndanî. Ancî zî ameya û seba taqîbkerdişê çalakî ameya. Seba zîndanî raşteyêk hîra ameyo awankerdiş. Merdim vano qey nîmeyê bajarî yo. Betonê berzî, kerrayê pîlî dayê pêser.

 

‘Biciwîyo xoverdayîşê zîndanan’

 

Ez rew amebîya cayê çalakîye. Cinîyê laçekê sipî ameyî. Bi sloganan ameyî. ‘Bijî berxwedana zindanan! Bijî Berxwedana zindanan…" Vengê komîserî mîkrofon ra yeno... Badê cû vano, "çevîk kuvet xeta xeleke awan bike". Polîsî vaz danê û seba dorê înan padê, xo amade kenê. Heto bîn ra zî vayêk bi şîdet û dima ra zî varan û xişike... Cinî şîyî binê awanîyêk ke sîwanê ci estbî. Mi zî hema sereyê kameraya xo bi çaket pada. Ez zî embazanê xo yê rojnamegeran reyde şîya binê sîwane. Cinîyan ancî sloganê ‘bijî berxwedana zindanan’ berz kerdî. Varan tay vindert û çalakîkerî ancî şîyî raşte û sloganan berz kerdî. Bi talîmatê komîserî ancî dore ameye padayîş. Hewl dayî ke ma zî asteng bikerê. Heta destê ma ra ame hîn çî antî.

 

‘Nê bêhuqûqî biancê’

 

Badê cû merdimê tepişteyan bi kom vila bîyî. Ewil dayîkan vetî a xeleka namdare ra. Dayîkan sloganan berz kerdî û hewl dayî asteng bikerê. Dayîkî a ablûqa ra vejîyayî, kewtî ablûqayêke bîne. Dayîka Aklîme slogan berz kerd. Ancî asteng kerdî. Dayîka Afîfe vat: “Şima tutanê ma tecrîd kerdê, şima do ma zî tecrîd bikerê?" Dayîkî rayîr ra şîyî û sloganan brez kerdî. Dayîka Sulhiye mi ra vat "biance xezale." Badê dayîkêke min û embaza mi ra vat, "biance nê nêheqî û bêhuqûqî". Dayîkî esparê wesayîtanê xo bîyî û ûca ra visyayî. Dima ra koma diyîne dayî ro. Çalakîya nê hewteyî zî wina derbaz bî.”