Şehrîban Aslan

 

AMED - Mûxabîra ma Derya Ren a ke ganî aşma Gulane de biamayîne tahliyekerdiş bi sebebê, "Seba dekewtişê mîyanê komelî amade nîya" tehlîyekerdişê aye 3 aşmî bînî ame taloqkerdiş.

 

Mûxabîra ma Derya Rene pêwa xeylêk rojnamegeran 25ê Teşrîna Peyêne 2022ine de Amed de, çarçewaya cipersayîşêk hetê Serdozgerîya Komare ya Anqarayî de sereştişê keyeyê xo de bi sebebê cezaya aye yê zîndanî est a, ameye destbendkerdiş û dima ra zî ameye tepiştiş. Derya ke dimayê 3 serrî û 13 aşmî û 15 rojî cezaya zîndanî ke hetê 6ine Dadgeha Cezaya Giran ya Rihayî de bi sebebê "Bi zanebîyayîş hetkarî daya rêxistine" ci rê ameye birnayîş, dimayê ke serra 2022ine de na ceza hetê Dadgeha Berzî ra ameye tesdîqkerdiş û tepişya, sewqê Amede kerdî. Derya 31ê Tebaxa 2023ine de seba "Serbest verdayîşê bi şertî" 1ine Dadgeha Înfazî reyde waştişname şirawitibî û heyetê dadgehe bi sebebê pûçî waştişê Deryaye red kerd.

 

Serbestveradayîşê Deryaya ke ameyîne pawitiş, destpêkê aşma Gulane de bî, bi qerarê heyetî seba sebebê pûçî ame taloqkerdiş.

 

Ceza bi hawayê kêfî ame dergkerdiş

 

Yew sebebê astengkerdişê veradayîşê Derya zî oyo ke Derya demê ke berdê zîndan, cigêrayîşê zitî ke ci rê amebî ferzkerdiş red kerda. Sewbîna dewamê sebebî de ame vatiş ke Derya seba tewrbîyayîşê mîyanê komelî de amade ya û qerar ame dayîş ke 3 aşmê bînî tahliyeyê aye bêro taloqkerdiş.