ŞENGAL - Cinîyê ke beşdarê panelê bi sloganê "Jin jiyan azadî, azad bike Rêbertî" ke hetê ciwananê Şengalî û başûrê Kurdistanî de ame organîzekerdiş, bîyî û vatî: "Cinîyê ciwanî başûrê Kurdistanî de ameyê Şengal û ma pîya panelêk organîze kerd. Na game eştiş bi xêrê felsefeya Serek Apo yo." 

 

Cinîyê Ciwanî yê Şengalî û Cinîyê Ciwanî yê Têkoşer yê Başûrê Kurdistanî Kafeteryayê Rojî ya merkezê Şengalî bi sloganê "Jin jiyan azadî, azad bike Rêbertî" organîze kerd. Têgêrayîşê Azadiya Cinîyê Êzidî (TAJÊ) û Yewîneyê Cinîyê Şengalî (YJŞ) tewrê panelî bîyî. panel de babetê sey tesîrê fikrê Rayberê PKKyî Abdullah Ocalanî yê serê cinîyê ciwanî û rewşa cinîyê ciwanî ame destgirewtiş. Sewbîna panelo ke rojêke dewam kerd de cinîyan bale ant serê pîlkerdişê têkoşînê azadîya fizîkî ya Abdullah Ocalanî. 

 

Şerwana Yewîneyê Cinîyê Şengalî (YJŞ) Zozan Berekat û Endama Yewîya Cinîyanê Ciwanan ê Şengalî Hala Şingalî ajansê ma rê qisey kerd û qalê mesajê ke panel de vejîyayê werte kerdî.

 

'Têkoşînê ma her wext dewam bikero'

 

Zozan Berekat ajansê ma rê qisey kerd û hîsê xo wina ard ziwan: “Heta ke serek Apo azad nêbo do têkoşînê ma her dem dewam bikero. Seba ke azadîya Serekî azadîya ma ya. Cayê keyfweşîye yê seba ke ewro ciwanê Êzidî panelêk seba azadîya fîzîkî ya serek Apo organîze kenê. Averşîyayîşê ciwanê Şengalî verê çiman de yo, dimayê naskerdişê fikrê Serek Apo yo."

 

'Felsefeya Serek Apo muhîm o'

 

Hala Şingalî zî da zanayîş ke bi xêrê felsefeya Rayberê PKKyî Abdulah Ocalan kom bîyî û panelêk  organîze kenê û wina vat: “Ma sey cinîyê ciwanî ma panelêk bi beşdarîya pêro cinîyê ciwanî yê sazgehê Şengalî û eynî wextî de cinîyê ciwanî başûrê Kurdistanî de ameyî û beşdarê panelê ma bîyî. Cayê keyfweşîye bî seba ma panelêk wina organîze kerd. Mîyanê ci de muhîmîyê têkilîyê cinî û Serekê ma erjna. Girêdayîşê ma bi felsefeya Serek Apo zaf muhîm o û sewîyeyêk pîlî de yo. Cinîyê ciwanî başûrê Kurdistanî ra ameyî Şengal û ma pîya panelêk organîze kerd. Na game eştiş bi xêrê felsefeya Serek Apo ya.”