MERKEZÊ XEBERAN - Hemsereka HDPyî ya verêne Fîgen Yuksekdaga ke Dewaya Kobanê de cezaya zîndanî ya 30 serran dîyaya ci, vat: “Heta ewroyî ê nêeşkayî ke heqê ma ra bêrê. Ma do bi xoverdayîşî ser bikewê.” 

 

Dewaya Kobanê de bi sebebê çalakîya hemverê hêrişê DAIŞî 6-8ê teşrîna verêne 2014ine de ame kerdiş, Hemserekê Pêroyî yê Partîya Demokratîke ya Şaran (HDP) yê verê Selahattîn Demîrtaş 42 serrî, Fîgen Yuksekdag 30 serrî û 3 aşmî, 13 sîyasetmedaran zî bi seyan serran ceza ameye birnayîş. 

 

‘Ma do bi xoverdayîş ser bikewê’

 

Derheqê bire de medyaya dîjîtale de bi rayîrê avûkatan Fîgene mesajêk da. Mesajê Fîgene wina yo: “Ma 8 serrî yo Dewaya Kobanê ra tepişte yê û ma tim rûmet, azadîya şaranê xo, cinîyan, kedkaran pawitî. Vera artêşa DAÎŞî ya qirkere û tecawuzkere û mutefîqanê ci paştdayîş û îdealê welatî komarêka demokratîke ya. Ma do vera operasyonanê tasfîyekerdişî yê sîyasetê demokratîkî xo ver bidê û her gama vera ameyoxê şaran û cuya hempare pûç bikerê. Ma bi hêz, bawerî û zanayîşê xo bawer ê. Ma hêvî kenê ke şarê ma zî do rayîrê azadîye bi qerardarî şoro. Wa çew xemgîn nêbo, zerrîya çewî nêdeja. Heta ewroyî ê nêeşkayî ke heqê ma ra bêrê. Ma do bi xoverdayîşî ser bikewê. Silam û hurmet.”