STENBOL - Waya Cemîl Kirbayiro ke wextê Darbeyê Leşkerî yê 12ê Êlule de, destbendkerdişan de ame vînîkerdiş Fatma Kirbayire, hema aqûbetê birayê xo nêmusa, dinyaya xo bedelnaye

 

Cemîl Kirbayir, dewa Okçû ya qezaya Goleya Erdexanî de prosesê darbeyê leşkerî de 13ê êlule 1980ine de ame destbendkerdiş û dima ra zî tu zanayîş ci ra nêame girewtiş. Waya Cemîl Kirbayirî, Fatma Kirbayir ke kîşta Dayîkê/Merdimê Şemeyî seba aqûbetê merdimanê xo yê vînî bîbî, têkoşîn kerdêne dinyaya xo bedelnaye. Fatma Kirbayir zî sey Dayîkê/Merdimê Şemeyî Berfo Kirbayir ke 105 serrîya xo de dinyaya xo bedelnaye, vera aqûbetê birayê xo bimuso, dinyaya xo bedelnaye.  

  

Dimayê ke waya Cemîl Kirbayirî dinyaya xo bedelnaye, Dayîkê Şemeyî hesabê xo yê medya dijîtale ser de mesajê sersaxî pare kerdî û wina vatî: “Waya yew vînîbîyayeyê ma yê 12ê Êlule Cemîl Kirbayir, embaza ma ya têkoşînî Fatma Kirbayir zî, sey dayîka ma ya Berfoye, vera ke Cemîlî ra xeberêke bigîro, mîyanê ma ra şî. Dejê ma pîl o.”

 

Cenazeya Fatma Kirbayirî do siba Camîya Îçerenkoy Gokyîgîtî de, dimayê nimajê nîmerojî de goristanê dewa Okçû ya qezaya Gole ya Erdexanî de bêra definkerdiş.