HATAY - Seba varanê zêde Hatay de laser rawuşt.  Bajarê konteyniran ê mexdûrê erdlerzî ke ci de manenê, binê awe de mendî. 

 

Erdlerzê 6ê Sibate de zîyanêk pîl Hatay de virazîya û bajar hema zî nêameyo awankerdiş. Vizêr, bajar de varanêk zêde vara û rayîr laserî rê akerd. Seba varanê zêde, laser virazîya. Xeylêk cayê bajarî binê awe de mend. Sewbîna bajarê konteyniran ê mexdûrê erdlerzî manenê zî binê awe de mendî.

 

Seba varanê zêde, Zoma Çokekî ya qezaya Dortyolî de hezaz virazîya. Seba hezazî rayîrê zomî ame padayîş. Eynî wextî de Taxa Ozerlî de zî rayîrê serê çirrî xetimîya. 

 

Walîtiya Hatayî seba varanê zêde temamê dibistanê qezayanê Antakya û Defneyî de rojêke betlane îlan kerd.