MERKEZÊ XEBERAN - Goreyê dayeyê TÛÎKî serra 2023ine de 10 hezar û 471 tutê kênayî bi zor ameyî zewicnayîş û bajaro ke tewr zêde tutî ameyê zewicnayîş zî Dîlok o.

 

Sazgehê Îstatîstîkî yê Tirkîya (TUÎK)  bi dayeyê ke eşkera kerdî, reyke bîn zêdebîyayîşê zewacê tutan ê emrê qijî yê serra 2023ine da verê çiman. Goreyê dayeyî 10 hezar û 471 tutê kênayî û 706 lajî mabêne 16-17 serreyî de ameyî zewicnayîş.

 

Tewr zêde tutî Dîlok de ameyî zewicnayîş 

 

Wexto ke ma rewşa camêrdê ke tutî bi înan reyde ameyî zewicnayîş ewnîyenê, nê 168 kesî verê zewicyayê û yewbînan vera dayê û 4 înan ra zî cinîyê ke înan reyde zewicnayî dinyaya xo bedelnayî. Nê gore vejîyeno ke nê camêrdan ra 172yê înan reya diyîne yo ke zewicyayê. Nê tutê ke ameyê zewicnayîş zî 600 înan ra bi camêrdê emrê înan mabêne 30 û 45 serrî reyde ameyê zewicnayîş. Dîlok, bajaro ke tewr zêde tutê kênayî ci de ameyê zewicnayîş o. Dîlok de bi pêroyî 960 tutê kênayî û Riha de zî 928 tutê kênayî ameyî zewicnayîş, goreyê dayeyê bajarê 2yîn ê ke tewr zêde tutî ameyî zewicnayîş zî Riha yo.