MERKEZÊ XEBERAN - Avûkatanê Rayberê PKKyî  Abdullah Ocalanî semedê vînayîşê muwekîlê xo muracatêk newe kerdî.

 

Buroyê Huqûqî yê Seserre ra Razîye Ozturk, Cengîz Yureklî, Emran Emekçî û Îbrahîm Bîlmez semedê bieşkê muwekîlê xo Abdullah Ocalan, Omer Hayrî Konar, Hamîlî Yildirim û Veysî Aktaş bivînê, muracatê Serdozgerîya Komare ya Bûrsayî û Midûriyetê Zîndanê Îmraliyî kerdî.

 

Têkilîyê Rayberê PKKyî Abdullah Ocalanî bi dinyaya teberî reyde bi temamî ameya birnayîş. Tu cewab muracatan rê nîno dayîş, hîn rewşan de dimayê bi aşman, avûkatan ra vanê ke cezaya disîplînî est a.

 

Goreyê raporê peyîn ke Buroyê Huqûqî yê Seserre 17ê Çeleyî weşan kerd;

 

-27ê Temmuza 2011ine ra nata mabêne Gulan-Tebaxa 2019ine de tenê 5 pêvînayîşê bi avûkatan reyde pê ameyî; nînan ra peyîn zî 7ê Tebaxa 2019ine de ame kerdiş.

 

-Serra 2014ine ra nata tenê 5 pêvînayîşî bi keyeyî reyde ameyî kerdiş.

 

-3yê Adara 2010ine ra pêvînayîşê bi birayê ey reyde pê ame.

 

-Roja destpêk û nata ra tenê 2 rey (27’ê Nîsana 2020 û 25ê Adara 2021ine) pêvînayîşê bi telefonî pê ame.