ANQARA - DEM Partî derheqê çalakîyanê 21ê Sibate Roja Ziwanê Dadîye bi sloganê "Dem dema zimanê Kurdî ye" agahîname vila kerd.

 

Komîsyonê Kultur û Ziwanî yê Partiya Têduştîye û Demokrasiyî yê Şaran (DEM Parti) çalakîyê xo yê do bi munasebetê 21ê Sibate Roja Ziwanê Dadîye organîze bikerê, neql kerdî. Komîsyonê Kultur û Ziwan ê DEM Partîye çalakîyê xo yê do kuçe û parlamento de bikerê, bi agahînameyêk vila kerd.

 

Dewamê agahîname de wina ame vatiş:

 

“Embazê Erjîya!

 

Sifteyin ma şima bi hurmetî silam kenê.

 

Ma sey partîya Demî do nika ra pey bi dirûşmê ‘DEM DEMÊ ZIWANÊ KURDKÎ YO!’ têkoşînê xo yê seba ziwanê kurdkî bi awayêkê domdar, şênber û xelqker û netîcegirewte aver bibê. Ma do bi çalakîyanê xo yê seba 21 Sibate ‘Roja Ziwanê Dayîke ya Dinyaye’ dest bi pêvajoyêk bikerê.

 

No bingeyin ser, seba 21ê Sibata ‘Roja Ziwanê Dayîke ya Dinyaye’ ma sey partî do pêroyina Kurdistan û Tirkîyeye de, 18 û 21ê sibate de barnameyanê cîya pê bîyarê. (Sey rayşîyayiş, aşkerayanê çapemenîye, dersdayîşanê sembolîk, panel, vilakerdişê broşuran, panel, şayî û çalakîyanê parlementoyî de sewbî.)

 

Plankerdişê Bernameyan:

 

18ê Sibate: Saet mabenê 18.00 û 22.00î de do her keye, war, kargehê de deyiranê kurdkî bêrê akerdiş, seba wayîrvejyayişê kurdkî kilmqise bêrê kerdiş, nê zî sey dîmen bêrê qeydkerdiş û çapemenîya dijitalî de bêrê barkerdiş.

 

20ê Sibate: Do derheqê kurdkî de saet di 21.00î de xebata tagî bêro kerdiş.

 

**Rojêk ke her ca de do bi xo dîyar (Mabenê 18 û 21ê sibate de) bikera, merkezanê bajêr, tax, papol û waran de bernameya dersdayîşê kurdkî ya sembolik bikerê do baş bibo. Roja viraştişê nê bernameyanê her cayî de eşkenê bi xo dîyar bikerê.

 

Vilakerdişê bruşoran, aşkerayanê çapemenîye û rayşîyayişî:

 

19ê Sibate: Bajarê Wanî

 

20ê Sibate: Sêrt, Mêrdîn, Şirnex, Dîlok, Riha, Çewlig, Dersîm, Xarpêt, Colemêrg, Mûş, Bidlîs, Agirî, Qers, Erdexan, Îdir, Erzirom û qezayanê nê bajaran.

 

21ê Sibate: Amed, Êlih, Cizîr, Mêrdîn û navçeyên wan; Mereş, Meletî, Edene, Mêrsîn, Antalya, Stenbol, Kocaelî, Tekîrdağ, Izmîr, Manîsa, Aydın, Mugla, Balikesîr, Enqere, Konya

 

Parlementoyî de:

 

19-20-21ê Sibate: Nê rojan de do parlementeranê ma derheqê ziwanê dayîke de (Bi xususî zî derheqê ziwanê kurdkî de) pêşniyaznameyan pêşkêşî parlementoyî bikerê.

 

20 Sibate: Kombîyayişê partîya ma yê derheqê kurdkî de qiseyê (kurmancî, kirmanckî) bêrê kerdiş. (Dowîzê bi kurdkî zî bêrê berzkerdiş do baş bibo) Hewna do dosyayêk ke waştişê statu û perwerdîya ziwanî de do bêro amedekerdiş û rayberan ra bêro pêşkêşkerdiş.

 

21ê Sibate: Do heme parlementeranê ma yê kurd, meclîsî de bi kurdî (kurmancî, kirmanckî) qise bikerê. Bi xususî zî waştişê ma yê bingeyîn ê derheqê kurdkî de bîyarê ziwan. (Sey fermbîyayişê ziwanê kurdî û perwerdeyîya bi kurdkî) Dowîzê bi kurdkî berz bikerê.”