MERKEZÊ XEBERAN - Bajarê Tambov û Saratovî yê Rûsyaye de, serrgêra 25ine ê komployê mîyanneteweyî yê 15ê Sibate bi kombîyayîşan ame şermezarkerdiş.

 

Qezaya Mîçurinskî yê bajarê Tambovî yê Rûsyaye, semedê şermezarkerdişê komployê mîyanneteweyî yê 15ê Sibate ke hemverê Rayberê PKKyî Abdullah Ocalanî amebi kerdiş, kombîyayîşêk ame organîzekerdiş.

 

Dimayê deqeyêke rêzgirewtişî yê semedê yadkerdişê şehîdan, endama Îdarekarîya Meclîsê Keyeyê Kurdan Arîn Viyan qisey kerd û ard ziwan ke 15ê Sibate semedê înan rojêke sîya ya.

 

Beşdarê kombîyayîşî sebeb û amancê komployî qalî kerdî û dîyar kerdî ke çareserkerdişê problemê Rojhelatê Mîyanên û dinya destê Rayberê PKKyî Abdullah Ocalanî de yo.

 

Saratov 

 

Kurdê qezaya Êrşovî ya bajarê Saratovî zî bi kombîyayîşêk komployê mîyanneteweyî yê 15ê Sibate şermezar kerdî.

 

Kombîyayîş awanîya Keyeyê Kurdan ê qeza de ame kerdiş.