ANQARA - Tepişte Sarîye Taşkesene serrgêra komployê mîyanneteweyî yê hemverê Rayberê PKKyî Abdullah Ocalanî lanet kerd û da zanayîş ke lazimîya azadîye lazimîya awe û nanî ra hîna ercaye ya. 

 

Tepişteya bi nameyê Sarîye Taşkesena ke zîndanê Cinîyan ê Sîncanî de tepişte ya û tewrê grevê vêşanîye ke bi waştişê ‘Abdullah Ocalanî rê azadî problemê kurdî rê çareserîya sîyasî’ bîya derheqê 25ine serrgêra komployî de nuşteyêk nuşte. 

 

Sarîye nuşteyê xo yo ke nuşta de wina vana: “Şarê kurdî hetê hêzê serdest û kolonyalîstî ra hêdî hêdî ameya qeraxê zinarî. Rayber Apo nê şarî ard merheleya ke bifikira. Rayber Apo no 25 serrî yo Îmraliyî de binê tecrîdêk giran de yeno tepiştiş û heme heqê ci bi hawayêkê bêhuqûqî û bêexlaqî yenê xespkerdiş. Ma ewro sey şarê kurdî nê tecrîdî şermezar kenê û lanet kenê. 

 

Nê esasî de ma 25ine serrgêra komployê mîyanneteweyî de, serê esasê azadîya fîzîkî ya Rayber Apo û çareserîya demokratîke ya problemê kurdî de tewrê grevê vêşanîye bîyî û seke Rayber Apo zî vat, lazimîya azadîye seba ma lazimîya nan û awe ra hîna ercayeyo. 

 

Azadîya ma bi Rayber Apoyî mumkun a. Bi nê hişmendîye ez komployî lanet kena û bi hawayêkê ke na roje bivejîya roşna û roj newe ra biveja, ma kewtî mîyanê yew çalakîya kampanyaya grevê vêşanîye. Ma wazenê tecrîdê tebere merdimîye bêro wedaritiş û serekê ma azad bibo.”