AMED - Hemsereka Pêroyî ya DBPyî Çîgdem Kiliçgun Uçar ke semedê Amedî venga tewrbîyayîşê Rayîr ra şîyayîşê Azadîye yê 13ê Sibate kerd û vat, "Ma semedê şarê xo, ziwanê xo, xoverdayîş û têkoşînê xo bi rojan serê rayîran de bîyî. “Ma wazenê 13ê Sibate de pêro şarê xo bi xo reyde bivînê.

 

"Rayîr ra şîyayîşê Azadîye" ke semedê azadîya Rayberê PKKyî Abdullah Ocalanî ke 25 serrî yo Zîndanê Pade yê Asayîşê Berzî yê Tîpê Fyê Îmraliyî de binê tecrîdê girankerde de yo û semedê çareserîya demokratîke ya problemê kurdî Wan û Qersî ameyo destpêkerdiş. 11 rojî yo bajar bi bajar dewam keno. Raywanê ke di baskan dest bi rayîr ra şîyayîşî kerdî, do 13ê Sibate de Amed de bêrê têhet.

 

'Ma wazenê şarê xo verê xo de bivînê'

 

Hemsereka Pêroyî ya Partîya Herêmê Demokratîke (DBP) Çîgdem Kiliçgun Uçar vat, “Ma semedê şarê xo, ziwanê xo, xoverdayîş û têkoşînê xo bi rojan serê rayîrî de bîyî. Ma do 13ê Sibate de Amed de bê. Ma wazenê şarê Amedî, ciwanî, cinî, camêrd, pêro şarê xo verê xo de bivînê. Ma serdemêk tarî re derbaz benê. Eke ma vengê yewbînan bê, ma eşkenê na tarîtîye açarnê roşnayî. Semedê rayîr ra şîyayîşî vengdayîşê ma semedê pêro kesê ke heta nika ganî têkoşînî de ca girewtê û kede dayê nê têkoşînî no yo: Bêrê ma pêro pîya Amed de bêrê têhet.”