STENBOL - Roniştişê dewaya Weşanê Pêroyî yê Rojnameyê Ozgur Gundamî ke bi KHKyî ame padayîş, Huseyîn Aykol û Mudûra Karê Nuşteyî ya rojnameyî Reyhan Çapan reyna ame taloqkerdiş. 

 

Roniştişê 28ine ê dewaya Rojnameyê Ozgur Gundemî ke bi Qerarnameyê Hukmê Qanûnî de (KHK) ame padayîş, Dadgeha Cezaya Giran ya 13ine ê Stenbolî yê Edliyeyê Çaglayanî de ame organîzekerdiş. Îdarekarê Weşanê Hempêroyî yê Rojnameyî Huseyîn Aykol û Mudûra Karê Nuşteyî Reyhan Çapan ke yenê muhakemekerdiş tewrê roniştişî nêbî la avûkat Ozcan Kiliç roniştiş de amade bi.

 

Ozcanî, waşt ke dosyaya dewa ya derheqê muwekîlê înan de hetê dadgehe ra bêro waştiş û bêrê yewkerdiş. Dadgehe qerar da ke dosya serê UYAPî de bêro şirawitiş û waştişê yewkerdişê dosyayan mabêne roniştişî de bêro ercnayîş û roniştiş taloqê 11ê çeleyê 2024ine kerd.