AMED - Roniştişê dewaya Hemsereka DBPyî Amedî Seval Gulmez de qerar ame dayîş ke seba amadekerdişê mutalaayê dosya do dozgerî rê bêro şirawitiş. 

 

Derheqê Hemsereka Partîya Herêmanê Demokratîke (DBP) ya Amedî Seval Gulmez de bi îdiayê “endamîya rêxistine” dewa amebî akerdiş. Roniştişê dewa 11ine Dadgeha Cezaya Giran ya Amedî de ame kerdiş. Seval Gulmez û avûkatê aye Burhan Arta roniştiş de amade bî. 

 

Sevale, pawitişê xo de dîyar kerd ke tawanbarîyê ke yenê kerdiş, xebatê partîya siyasî yê. 

 

Dozgerîya ke roniştişê verî de seba amadekerdişê mutalaayî waştibi, mabêne roniştişî de dosya ci rê bêro şirawitiş la mutalaa amade nêkerdibî zî reyke bîn seba amadekerdişê mutalaayî waşt dosya ci rê bêro şirawitiş.

 

Avûkatê Sevale, Burhanî zî vat ke do pawitişû xo dimayê amadekerdişê mutalaayî bikerê. 

 

Dadgeha qerar da ke seba amadekerdişê mutalaayî dosya dozgerî rê bêro şirawitiş û roniştişê dewa taloqê 15ê çeleyî 2024ine kerd.