MERKEZÊ XEBERAN - Goreyê raporê UNICEF û Bankaya Dinyaye, 330 milyon tutî mîyanê feqîrîyêke pîl de ciwîyenê.

 

Goreyê raporê Fonê Hetkarîya Seba Tutan ê Neteweyê Yewbîyayeyî (UNICEF) û Bankaya Dinyaye, ameyîşê rojane yê şeş tutan ra yewî 2,15 dolaran kêmêr o.

 

Rapor de yeno dîyarkerdiş ke kêmîyê seba Covîd-19î nêbîne do 30 milyonî tutî feqîrî ra biameyîne xelaskerdiş.

 

Dîrektora Pêardişî ya UNICEFî Catherîne Rûssell vat, “333 milyon tutî bi tenê lazimîyê sereyîn nê, eynî wextî de rûmet, firsend û hêvî ra zî bêpar ê. Na dinyaya ke tutî mîyanê feqîrî de ciwîyenê, nîna qebûlkerdiş.”

 

Feqîrîya tewr zêde Afrîkayê binê sehrayî de esta û dayeyê tîya zî se ra 40 o.

 

Goreyê netîceyê nê raporî Neteweyê Yewbîyayeyî hedefê xo yê heta serra 2030ine bieşko feqîrîya tutan werte ra wedarno, dûr kewto.