AMED - Hilal Ada ya ke bi îfadeyê eşkera yê Umit Akbiyikî amebî tepiştiş, roniştişê ewilî de ameye veradayîş. 

 

Serê beyanê eşkera yê şahidê akerde Umit Akbiyikî Serdozgerîya Komare ya Amedî 25ê Nîsane de tehqîqat dabi destpêkerdiş û na çarçewa de Hilal Ada amebî tepiştiş. Roniştişê dewaya bi îddiayê "endamîya rêxistine" Hilale rê amebî akerdiş, 4ine Dadgeha Cezaya Giran ya Amedî de ame vînayîş.  Hilale û avûkatê aye Yunus Muratakan roniştiş de amade bi. Umit Akbiyik zî Dadgerîya Cezaya Sulhî ya Kastamonuyî de bi rayîrê Sîstemê Veng û Dîmen (SEGBÎS) tewrê roniştişî bi.

 

Hilale da zanayîş ke aye şahidê akerde Umitî nas nêkena û vat aye têkoşînê derheqê cinîyan de rayra bena û na xebata ke rayra bena meşrû ya.

 

Umitî îfadeyê bi şik da û avûkatî Hilale pawit.

 

Hilale zî da zanayîş ke aye bi hawayêkê bêhuqûqî yena tepiştiş û vat ganî aye bêra tehlîyekerdiş. 

 

Meqamê iddiayî waştişê tepiştişê Hilale kerd. 

 

Ameye tehlîyekerdiş

 

Heyetê Dadgehe bi çarçewaya kontrolê tedbîrê edlî û bi şertê qedexeyê tebervejîyayîşê teberî tehlîyekerdişê Hilale da û roniştiş taloqê 12ê Kanûne kerd.