AGIRÎ - Qezaya Panosî de qorîcî Metîn Tunç, Bîrsel Tunç a ke ci reyde zewicnaye bî û kesêk bîn qetil kerd. Sewbîna kerdoxî di cinîyê ke merdimê ey bî zî birîndar kerd. 

 

Qezaya Panosî ya Agirî de qorîcî Metîn Tunç, cinîya ke ey reyde zewicnayebî Bîrsel Tunç û birayê aye Fecrî Tunçî qetil kerd. Sewbîna kerdox merdima xo Nuriye Tunç û Hanim Tunç zî giran birîndar kerd. Kerdox dimayê hedîse rema. Ekîba weşîye ke amebî cayê hedîse Bîrsel û her di cinîyê birîndarî wedarnayî nêweşxaneyê Cigêrayîş û Perwerdeyê Agirî. Nêweşxane de Bîrsele dinyaya xo bedelnaye, Hanim û Nuriye zî dermankerdişê înan nêweşxane de dewam keno.

 

Ame dîyarkerdiş ke hetê Serdozgerîya Panosî de derheqê hedîse de cipersayîş ame destpêkerdiş.