AMED - Lajê Endama Meclîsê Şaredarîya Erxenî Sevîcan Yaşar ke îfadeyê ci ame girewtiş, dîyar kerd ke polîsan persê “Dayîka to ça de ya, se kena? Birayê to ça de yo, waya to ça de ya, se kena?" ci ra pers kerdê. Sevîcane zî dîyar kerd ke ê do peyser game nêerzê.

 

Di polîsê ke şî keyeyê endama Meclîsê Şaredarîya Erxeniyî ya Amedî Sevîcan Yaşar, seba reyke bîn îfade bido lajê aye berdî midûrîyetê polîsan. Ame dîyarkerdiş ke lajê Sevîcane ke berdî midûrîyê polîsan tenê derheqê Sevîcan û endamê keyeyî de persî ameyê kerdiş. Sevîcane derheqê tacîzê polîsan de agahî da ajansê ma û dîyar kerd ke cipersayîş derheqê babeta serra 2016ine de qezaya Darîca ya Kocaeliyî de ameya akerdiş.

 

Vernê de berdî qereqole dima ra berdî TEM

 

Sevîcane dîyar kerd ke lajê aye Serhat 8ê êlule de saete 15.00ine de hetê polîsan ra ameyo tepiştiş û vat: "Mi ra vatî ke çarçewaya cipersayîşê 2016ine de yê seba zabitnameyê destê ma de vînî bîyê, ma do newe ra berê ke îfade bido. La polîsê fermî ey berdî qereqola Erxenî û dimayê ke hîn danê piro, benê TEM û dîyar kerd ke lajê ci ra persê, 'dayika to ça de ya? Birayê to ça de yo? Se keno?' persayê û vatê eke problemêk bibo ma rê neql bike."

 

Sevîcanê dîyar kerd ke ê do hemverê tedayî peyser game nêerzê.