MERKEZÊ XEBERAN - Keyeyê Jîna Emînî dîyar kerd ke do serrgêra qetilkerdişê kênaya xo de, serê  gorê aye de merasîmêk organîze bikerê.

 

13ê Êlule serra 2022ine de Jîna Emînî ya bajarê Seqîzî ya Rojhelatê Kurdistanî de bi sebebê ke porê xo baş nêpişte bî, hetê ‘Polîsê Exlaqî’ yê rejîmê Îranî ra amebî destbendkerdiş. Wextê nezaretî de îşkence Jîna Emînî rê amebî kerdiş, hîrê rojî dimayê ke aye wedarnayî nêweşxane, dinyaya xo bedelnabî.

 

 

Dayîke û pîyê aye Mojgan Îftîxarî û Emced Emînî eşkerayîyêke dayî û dîyar kerdî ke ê do serê gorê aye de merasîmêkê yadkerdişî organîze bikerê.