WAN - ÎHD, seba paştdayîî bido Dayikê Şemeyî/Merdiman Wan de eşkerayîye dayî û wina ame vatiş: “Ma do fek cigêrayîşî ra vera nêdanê.”

 

Şubeyê Komeleya Heqê Merdiman (ÎHD) ê Wanî seba paştdayîş bidê Dayîkê Şemeyî/Merdiman Wan de hewteyê 963ine de waştî eşkerayîye bidê. La sey her hewte no hewte zî bi sebebê qedexeyê walîtî destûr nêame dayîş ke eşkerayîye bêra dayîş. TUHAY-DER, Serhat Göç-Der, OHD û xeylêk endamê komeleyî tewrê eşkerayîye bî. Eşkerayîye hetê endama heyetê Îdarekarîya Şubeyê ÎHDyî yê Wanî Ayten Kiran ra ameye wendiş.

 

‘Ma do vînîbîyayeyanê xo xo vîr ra nêkerê’

 

Aytene, dîyar kerd ke her roja şemeyî şert û mercê ke qedexeyê îşkence û muameleyê xirab binpay keno de yenê destbendkerdiş û vat ke wextê ke delîlê xurt bibê ke merdimî sûc kerdê, qerarê destbendkerdişî eşkeno bêro dayîş. Aytene, wina dewam kerd: “Sere de Dadgeha Destûrê Bingehîn, astengkerdişê Dayikê Şemeyî binpaykerdişê heqan o û pêvînayîşê înan de esasêk sûc nîyo. Ma dozgerê ke girêdayê Wezîrê Edaletî yê persenê û paweyê cewabêke yê; pêwa ke esasê sûcdarî çin ê, ma çira yenê tepiştiş?

 

Seba ke hetê qanûnî ra mimkun nîyo ke qerarê destbendkerdişî bi wesîleya tersî, rayîrgirewtiş yan zî rîsîyakerdişê merdiman bêro dayîş, gelo do wezîfeyê xo yê caardişê pêro kerdox û dayîşûgirewtişê xo goreyê serweriya qanûnî vindarnayê? Ma do sereyê xo verê nê ferasetê ke qanûn, huqûq û edaletî nas nêkeno, sazûmaniya dewlete xira keno û bi caardişê keyfî wazeno komelî teng bikero, nêtewênê. 

 

Ma do bîyarê vîr ke yê ke dewlete rayîr ra benê, pêro tevger û kerdoxan wezîfeyê înan ê girêdayeyê huqûqî bimanê. Ma do fek cigêrayîşê heskerdoxê xo yê hetê hêzê asayîşî yê dewlete ra ameyî destbendkerdiş, vera nêdê. Ma do israr bikerê ke pêro îmkanê huqûqî seba resnayîşê vînî û edaletê xo bişuxulnê. 

Ma do Kenan Bîlgîno ke 12ê Êlule 1994ine de ame vînîkerdiş û pêro vînîbîyayeyanê xo xo vîr ra nêkerê.”

 

Eşkerayîye bi çepikan peynî bîye.