AMED - Komeleya Terefgiran a Xoverdayîşê Amedsporî bi nameyê ‘Ma pirdê azadîye seba zîndanan awan kenê’ kampanya da destpêkerdiş. Komeleye bi na kampanyaye amac kena ke lazimîyê kitabî ê tepişteyan ca bîyara û seba zîndanan hîsgerîyêk awan bikera. 

 

Komeleya Terefgiran a Xoverdayîşê Amedsporî bi nameyê ‘Ma pirdê azadîye seba zîndanan awan kenê’ kampanya da destpêkerdiş. Bi na kampanyaye yeno amackerdiş ke kitaban biresnê tepişteyan û bi na wesîleye bala komelî bidîyo zîndanan. Endama Koma Xoverdayîşî ya Cinîyan a Amedsporî Sînem Çuhadare derheqê kampanyaye de ajansê ma rê qisey kerd. 

 

Amac no yo ke kitaban biresnî tepişteyan 

 

Sîneme qiseykerdişê xo de dîyar kerd ke yew amacê destpêkerdişê kampanyaya înan ra no yo ke moral bidê tepişteyan û vat ke tepişte hetê xoresnayîş û temînkerdişê kitaban de probleman ciwîyenê. Sîneme qiseykerdişê xo wina dewam kerd: “Embazê ma nêeşkenê kitaban temîn bikerê. Kitabê ke bi PTTyî yenê şirawitiş zî nêresenê embazanê ma. Amacê ma no yo ke ma hem kitaban biresnê înan û hem zî vera vayeya kitaban de paştîdayîş awan bikerê. Bi nê amacî ma kampanya da destpêkerdiş. Ma bawer kenê ke do şarê ma paştîdayîş bido kampanyaya ma. Ma waşt ke ma vengê embazanê xo yê tepişteyan bidê eşnawitiş.” 

 

Her ke kitab bêro do proje dewam bikero 

 

Sîneme da zanayîş ke kampanya 29ê Tebaxe de dest pêkerd û wina ard ziwan: “Ma na kampanya bi amacê xeberdayîşî da destpêkerdiş. Amacê ma no yo ke ma vengê embazanê xo yê tepişteyan bidê eşnawitiş. Kampanyaye de sînor çin o. Her ke kitab bêro do proje dewam bikero. Ma wazenê tena Amed de nê, bajaranê bînan ra zî kitab bêro eşnawitiş.”

 

‘Seba heskerdişê aştî, seba aştîye xoverdayîş’

 

Sîneme qiseykerdişê xo yê peyênan de dîyar kerd ke sey ekîbê xoverdayîşî do bi na kampanyaye sînor nêmano û wina veng kerd: “Vera tîryakî de zî kampanyaya ma do demêk nizdî de dest pêbikero. Ma do turnuvayê futbol û voleybolî bidê destpêkerdiş. Ma do xoverdayîşî bimusnê ciwananê bajarî. Ma venga ciwan û cinîyanê kurdan kenê ke wa azad bibê, wa heqanê xo bigîrê, keyfweş bibê, seba heskerdişê aştî û seba aştîya xoverdayîşî. Kitabê xo eşkenê bîyarî Komeleya Terefgirê Amedsporî yê kişta Buket Lahmacunî ke Raşteyê Hunerî de yo.”