WAN - Rejîmê Îranî serrêke û 3 aşmî cezaya zîndanî aktîvîsta cinî ya tepişte Sepîdeh Qalîan rê birna.

 

Aktîvîsta cinî Sepîdeh Qalîan Îran de amebî tepiştiş û serrêke û 3 aşmî cezaya zîndanî ci rê ameye birnayîş. Sepîdehe berdî Zîndanê  Evîne. Seba ke roniştişê 19ê temmuze de sereyê xo nêpişt û aye nêardibî roniştiş. Roniştişê 31ê tebaxe de zî bi îdiayê “serepiştişî qebûl nêkerd û seba fihûşî hetkarî kerda" û “roniştiş de sûcê kerda de israr kerd” serrêke û 3 aşmî cezaya bîn ê zîndanî ci rê ameye birnayîş.

 

Qerarê roniştişê de zî Sepîdeh nêardî dadgehe.

 

Par aşma gulane de zî bi îdiayê “Serê medyaya dijîtale de agahîyê zûrî pare kena û hemverê Komara Îslamî ya Îranî propaganda kena" 2 serrî cezaya zîndanî Sepîdehe rê birnabî.