MERKEZÊ XEBERAN - Dewleta tirke û komê aye yê paramîlîter aşma tebaxe de 51 reyî hêrişê 51 herêmanê Efrîn û Şehbayî kerdî. 

 

Merkezê Neqlkerdişî yê Hêzê Leşkerî yê Efrîn û Şehbayî bîlançoyê hêrişê dewleta tirke û komê aye yê paramîlîterî yê aşma tebaxe de hemverê herême pare kerd. Goreyê xebera ANHAyî; tenê aşma tebaxe de hemverê 33 herêmanê Efrîn û Şehbayî de 51 hêrişî ameyî kerdiş. 4 hêrişan de dewleta tirke leşkeranê hukmatê Şamî hedef girewt û 10 leşkerî birîndar bî. 

 

Goreyê bîlançoyî; mabêne 3-31ê tebaxe de 33 dewî, bajarok, qeza û bi seyan herêmî ameyî bombavarankerdiş. 51 hêrişê bi topê hawanî, drone û obûsan de 256 topê hawanî, 6 roket û 6 rey zî dron û SÎHA ameyî şuxilnayîş. Netîceyê hêrişan de ziyanê madî virazîyayî.