Melek Avci

 

ANQARA - Yew avûkata heyetê tecrîdî yê mîyanneteweyî ra Paula Martîneze da zanayîş ke tecrîd vera heme kesê ke têkoşînê azadîye de yî  pê yeno û wina vat: “Tecrîd mojneno ke Tirkîya dewletêke ke heme huqûqî raşte ra wedarnayo ya. Heta ke Birêz Ocalan Îmraliyî de bêro tepiştiş, awankerdişê rayîrêk aştîyane mumkun nîyo.”

 

Rayberê PKKyî Abdullah Ocalano ke Îmraliyî de binê şertanê giranan de yeno tecrîdkerdiş ra 25ê Adara 2021î ra nata tu xeberêk nîna girewtiş. Birayê ci Mehmet Ocalan û vasîyê ci Mazlum Dînç, bi waştişê pêvînayîşî her hewte muracatê Serdozgerîya Komare ya Bursaye û Mudirîya Zîndanê Îmraliyî kenê la bi bahaneyê sey ‘cezaya dîsîplînî’ waştiş yenê redkerdiş û ge-ge zî qet cewab nêdîyeno. Kişta înan de CPT zî raporê Îmraliyî yê heyetê Tirkîya hema eşkera nêkerdo. 

 

Yew avûkata heyetê tecrîdî ya mîyanneteweyî ra Paula Martîneze derheqê tecrîdo giran û nizdîbîyayîşê dezgehê mîyanneteweyî yê vera tecrîdî ercnaye.

 

‘Tecrîdê serê Kurdan giran bî’ 

 

Paulaye da zanayîş ke tecrîdo ke serê Rayberê PKKyî Abdullah Ocalanî yeno rayraberdiş vernîya prosesê çareserîye gêbo. Paulaye wina dewam kerd: “No tecrîd mojneno ke Ocalan serê şarê Kurdî de xeylê tesîrin o. Qet şik çino ke bi sînor nîno. Paradîgmayê ci yê sîyasî yê derheqê Rojhelatê Mîyanenî hetê temsîlkaranê sîyasî yê welatî ra cîya paştîdayîş vîneno. Coka ra zî astengkerdişê pêvînayîşan, tena derheqê rewşa ci ra fîîlî de ya. Eynî wext de astengkerdişê vernîgirewtişê prosesê çareserîye yo.”

 

‘Hemverê heme kesê ke têkoşînê azadîye danî de yo’

 

Paulaye da zanayîş ke Tirkîya de huqûq bi temamî raşte ra ameyo wedaritiş û bi tecrîdî reyde heme hetê ke têkoşînê azadîye danî yenê cezakerdiş. Paulaye vatijê wezîrîya edaletî yê sey ‘binpaykerdişê heqan çinî yo’ ercnaye û nê çîyan vat: “Na nuqtaye de yena dîyîş ke dewleta Tirke dewletêk ke huqûq bi temamî raşte ra wedarita ra ya. Peymekerdişê demokrasîya nê welatî bi nizdîbîyayîşê hemverê tepişteyan yeno dîyîş. Wexto ke merdim înan raşteyan ra ewnîyeno binpaykerdişê heqan eşkera yeno dîyîş. Heme kesê ke têkoşînê azadîye danî benê hedef.”

 

‘Seba menfîetan bêveng manenî’

 

Paulaye dewamê qiseykerdişê xo de dîyar kerd ke tepiştişê Abdullah Ocalanî bedilnayî kayêk û wina vat: “Hukmatê kapîtalîstî menfîetê xo vejenê raşte û vera tecrîdî de bêveng manenî. Tirkîya seba heme têkoşînî ceza bikera, tepiştişê Birêz Ocalanî bedilnaya kayêk û heto bîn de zî sîstemê dîktatorîye rayra bena. Bêvengîya raşteyê mîyanneteweyî zî menfîetê xo vera bêveng o. Tabî Tirkîya na rewşe sey rayîrê cezakerdişê têgêrayîşê Kurdî şixulnena. La eynî wext de sey rayîro ke heme nufisê Tirkîya bikera binê kontrolê xo vînena. Nimune vanê ‘şima seba azadîye hewl danî, şima do bivînî se beno’. Bi no hawa hewl dano ke rolê Abdullah Ocalanî yê serê şaran bêro nimitiş û nêro naskerdiş. CPT ame Tirkîya û CPT vano ke raporê înan encax welat pê bikerî eşkeno bêro eşkerakerdiş. La CPT eşkeno goreyê qerarê 3yî ra 1 endamê komîteyî yê nuqtaya 10\2 pare bikero.”

 

‘Sazgehî serê zext û sermayeyî de ameyî awankerdiş'

 

Paula dîyar kerd ke sazgehê mîyanneteweyî serê huqûqî de nê serê sermaye û zextê serdestî de ameyê awankerdiş û wina vat: “Seba sazgehêk xoser nê maddeyan pê bîyaro û nê bikerê cuye çin ê, peymanî xeylê xo serê kaxidan de manenê. Xeylê reyan serê kaxidan de manenê. Belê pê nêameyîşê maddeyê CPTyî zirar dano bawerîya bi CPTyî. Seba nê zî sazgehî serê huqûqî de nê, serê sermaye û zexta serdestî yenê awankerdiş."

 

‘Heta ke Ocalan Îmrali de bo aştî nêbena'

 

Paula dîyar kerd eke rayîrêk newe bêro awankerdiş, no zî Îmraliyî ra derbaz beno û wina vat: "Rewşa jeopolitikî yê Kurdistanî, berjewendiyê ekonomîye yê sermayê mîyanneteweyî, rola pawitişîya herême ya Tirkîya ameyo barkerdiş. Na cezaya girane tenê derheqê kapasîteya çareserîya rewşa Rojhelatê Mîyanên ya Abdullah Ocalan nîya. Seba pawitişê a bê îstîkrarîya herême xizmetê berjewendiyê kapîtalîstî rê keno, hêzê mîyanneteweyî nêwazenê na rewşe çareser biba.  La heta ke Abdullah Ocalan Îmraliyî de tepişte bibo, rayîrêk aştîyane nêeşkeno bêro awankerdiş û no mumkin nîyo. Ganî her kes pêşnîyazîyê CPT cidî bigîro. Eke hemverê nê zulmî veng nêro vetiş, yeno a mana ke şima zî hemkarê ê sucî yê. Ez veng dana ke wa tu kes nêbo hemkarê nê caardişê bêmerdimayî."