Melek Avci

 

ANQARA - Verfeka Meclîsê Cinîyan a Partîya Çep a Keske Canan Çalagane da zanayîş ke 8-9ê êlule de şinê konferansê gird ê cinîyan û vat: “Vera îqtîdarîyê AKPyî û heme polîtîkayê dişmenîya cinîye û kurdan de ma do binê veristîya Partîya Çep a Keske de bi têkoşînêk xurt cewab bidê û ma qerardarî ke aştî, azadî û edaletî bîyarî serê na herre.” 

 

Partîya Demokratîke ya Şaran (HDP) û Partîya Çep a Keske weçînayîşê 14 û 28ê Gulane ra tepîya kewtî prosesêk newe ya rêxistinbîyayîşî û heme kadro û pêameyoxê xo seba dîyarkerdişê xeta neweyî kombîyayîş, konferans û komxebatî pê ardî. Partîya Çep a Keske 8-9ê êlule de do konferansê cinîyan ê merkezî pê bîyara. 

 

Verfeka Meclîsê Cinîyan a Partîya Çep a Keske Canan Çalagane derheqê netîceyê kombîyayîş û konferansê ke heta nika kerdî de û rojeva esasî ya konferansî ke do 8-9ê êlule de pê bîyarî de ercnayîş kerd. 

 

Konferansê gird ê cinîyan 

 

Canane da zanayîş ke konferanso gird ê cinîyan do bi sloganê ‘ma bi serewedarnayîşî xo rêxistin kenê, azadîya xo pawenê’ pê bîyarê û vat ke no konferans merheleyêk muhîm ê sazbîyayîşê prosesê neweyî îfade keno. Canane wina vat: “Weçînayîşan ra dima ma ercnayîş kerd û ma bi şar û rayaumûmîye reyde pare kerd. Verna heme hewldayîşanê manîpulasyonî yê îqtîdarî weçînayîşan de ser nêkewt. Şar raya xo nêdano polîtîkaya rant û şerî. Sere de şarê kurd heme şarê bindestî, kedkar, cinî û ciwanî îradeyê xo sindoqan de mojna. Vera heme kayan netîceyo ke weçînayîş de vejîya raşte no bî. Partîya Çep a Keske weçînayîşê 14-28ê Gulane de sey partîya hîrine sindoqan ra vejîya.”

 

‘Kombîyayîşê bajaran dewam keno’ 

 

Canane dîyar kerd ke badê weçînayîşî xebat goreyê raybazê seyyewbînanî û azadîya cinîye ameye rayraberdiş û wina dewam kerd: “Partîya Çep a Keske vera heme zext, pelçiqnayîş û destbendkerdişan, seba berpirsîyarîya xo yê hemverê şarî bîyara ziwan ser badê weçînayîşî kewt prosesêk newe yê rêxistinbîyayîş. Ma kêmanî û qelsîyanê xo ard ziwan ser. Prosesê xorexnekerdişî pê ame. Bajar û qezayan de kombîyayîş pê ame. Dima ra şarê ma rexneyanê xo ard ziwan ser. Ma kombîyayîşê şarî pê ard. Goreyê raybazê seyyewbînanî û azadîya cinîye ma xebatan rayra berd. Ma di komxebatê merkezî yê cinîyan pê ard. Kombîyayîşê ma yê seba amadekarîya konferansî dewam kena. Bajaran de amadekarîya konferansî qedîyena, ê do konferansê cinîyan ê merkezî pê bîyarê.”

 

‘Vera meclîsê serdest babeta esasî rêxistibîyayîşê cinîyan o’ 

 

Canane dewamê qiseykerdişê xo de bale ant serê polîtîkayê dişmenîya cinîye û wina vat: “Vera nê polîtîkayan de rêxistinbîyayîşê cinîye muhîm o. babetê muhîm ê konferansî ra yew zî no yo. Tîfaqê meclîsî vera cinîye de yo. Krîzo ke îqtîdar ewro welat kerdo binê lepanê xo reyna tesîrêk gird serê cinîyan de keno. Şîdet, binpaykerdiş, serdestî û feqîrîya serê cinîyan zêde bîyo. Vera nê de ma sey Partîya Çep a Keske têkoşînêk gird danî. Têkoşîn bi serkêşîya cinîyan yeno rayraberdiş. Nê esasî ser de ma do konferans de babeta yewine bigîrê dest. Ma partîya ke heme partîyê sîyasî yê dinya rê bena nimune, serê esasê seyyewbînanî û azadîya cinîye de nizdî benê. Coka ra partîya ma de ma sazbîyayîşêk goreyê perspektîfî awan kerda. Hemserekatî û temsîlkarîya seyyewbînanîye dinya de partîyê sîyasî rê bîya nimune.” 

 

Kongre de do kam cû babetî bêrî dest girewtiş Canane qiseykerdişê xo yê peyênan de vat: “Ma dormeyê waştişê hempar ê cinîyan de yenê têkişt ke çîyê lazim biercnê. Têkilîya meclîsê cinîyan a partî û kongre de û hemkarîye konferans de sey babetêk bêrê destgirewtiş. Muhîmîya perwerdeyî do verê çiman de bêra girewtiş. Muhîmîya perwerdeyîyê têmîyan reyna vejîya raşte. Nê prosesî vera perwerdeyî bî babeta munaqaşakerdişî. Vera îqtîdarîya AKP û heme polîtîkayê dişmenîya cinî û kurdan de binê veristîya Partîya Çep a Keske de ma do bi têkoşînêk xurt cewab bidê û ma qerardarî ke aştî, azadî û edaletî bîyarî na herre ser. Konferansê ma do bi nê moral û motîvasyonî bireso qeraranê xurtan û hedefê ma yê yewine no yo.”