ÊLIH - DBPyê Êlihî dest bi amadekarîyê kongreye kerd. Eşkerayîya ewro ya DBPyî de ame vatiş: "Bêrê ma pîya nê prosesî bimûnê."

 

Rêxistina Partîya Demokratîke ya Şaran (DBP) ya Êlihî derheqê kongreya do bikerê de, awanîya partîya xo de eşkerayîye da. Endama Meclîsê Partîye (PM) ya DBPyî Nûrten Uzumcu û endamê Komîsyonê Kongreye ya DBPyî tewrê kombîyayîşî bî. Endamê komîsyonî Mûrat Yargi eşkerayîye de qisey kerd.

 

'Ma dest bi xebatanê xo yê kongreye kerdê'

 

Mûratî, bale ant serê muhîmîyê  rêxistinbîyayîşî û wina vat: "Nê prosesê ke ma xeta xo ya sîyasî û problemê xo yê rêxistinî ercnenê de rêxistinkerdişê prosesê tewrbîyayîşê  demokratîk, seke berpirsîyarîyêk muhîm vernîya ma de vindeno. Têkoşînê seba çareserkerdişê nê probleman, berpirsyarîyêk polîtîk ê ma pêrûne yo. Ma neql kenê ke ma dest bi xebatê xo yê kongre kerdê. No het de ewnîyayîş û pêşnîyazîyê şarê ma do vernîya ma abikero. Ma sey temsîlkarê xetêke bi bingeh û wayîrê tecrube, baş zanê ke her proseso ke ma bi şarê xo reyde benê, do ser bikewê."

 

'Bêrê ma pîya nê prosesê newe bimunê'

 

Mûratî serê muhîmîyê tewrbîyayîşê şarî de vindert û wina qedêna: "Seba ke prosesê vernîya ma bi westayî bêro munayîş, seba ke ma sîyasetê xo tewr hîra bikerê, seba  polîtîkayê zext û zorî berê, seba sîyasetê rayîrê bêro xurtkerdiş, seba sîyasetê ma yê merkezê ci ciwan û cinî serbikewê, na kongreya ma xeylêk muhîm a. Na çarçewa de ma venga xo ya seba şarê xo reyna kenê. Bêrê ma pîyê nê prosesî bimunê."