COLEMÊRG - Dewa Besusu ya Şemzînanî de tuta 17 serrî ya bi nameyê N.Z. bi hawayêkê şikin dinyaya xo bedilnaye. Ame zanayîş ke tîya ra 6 aşmî verê cû zî waya aye S.Z.ye dinyaya xo bedilnaya. 

 

Dewa Besusu ya qezaya Şemzînanî ya Colemêrgî de ame zanayîş ke tuta 17 serrî ya bi nameyê N.Z.ye bi hawayêkê şikin dinyaya xo bedilnaya. Goreyê xeberanê ke çimeyanê herêmî ra ame girewtiş ame îdîakerdiş ke N.Z.ye întîxar kerda. Keye dima ke qewimîyayîş ferq keno, venga cendirme û komê weşîye keno. Komê weşîye ke yenê cayê qewimîyayîşî cenazeya N.Z.ya ke bi şikin dinyaya xo bedilnabî, seba otopsî wedarnenê Nêweşxaneyê Dewlete yê Şemzînanî. 

 

Ame dîyarkerdiş ke derheqê qewimîyayîş de cipersayîş dîyayo destpêkerdiş. Heto bîn de goreyê xeberanê ke ameyî destfînayîş, ame vatiş ke 6 aşmî verê cû waya N.Zye S.Z.ye zî bi hawayêk şikin dinyaya xo bedilnaya.