ANQARA - HDP, kongreya xo ya awarte organîze keno. Ame zanayîş ke Sûltan Ozcan û Cahît Kirkazak bîyê namzedê hemserekîya HDPyî. 

 

Partîya Demokratîke ya Şaran (HDP) do kongreya xo ya awarte 27ê tebaxe de roja yewşeme Merkezê Bazirganîyî yê Dunya yê Anqarayî de organîze bikera. Muhtewayê kongreye zî dîyar bî. Sewbîna kongre de do rêzikname zî bêro vurnayîş û hûmara Meclîsê Partîye do bêrê kêmkerdiş. No gore endamê Meclisê Partîye ke nika 100 kesî yê, do bikewo 50 kesî. Do kongre çapemenîye rê akerde biba û hemserekê bîyaye Mîthat Sancar û Pervîn Bûldan zî do kongre de amade bê. 

 

Heto bîn ra ame zanayîş ke endama Heyetê Îdarekarîya Merkezî (MYK) ya HDPyî Sûltan Ozcan û endamê Heyetê Îdarekarîya Merkezî (MYK) yê Partîya Çep a Keske Cahît Kirkazak bîyê namzedê Hemserekîyê Pêroyî yê HDPyî.