MERKEZÊ XEBERAN - Cinîyê Helebî hêrişê dewleta tirke  ya hemverê xebatkarê JIN TVyî  şermezar kerdî û dîyar kerdî ke ê do hemverê hêrişê îşxalkerdişî de têkoşîn pîl bikerê.

 

23yê Tebaxe teyareyêk bêmerdim û biçek ê dewleta tirke serê rayîrê Qamişlo-Amûdî de wesayîtê JIN TVyî hedef girewt. Hêriş de karmendê JIN TVyî Necmeddîn Feysel dinyaya xo bedelnaye, muxabîre Delîla Egîd zî bi giranî birîndar bî.

 

Seba şermezarkerdişê hêrişî bi desan endamê Kongra Star, temsîlkarê partîyê sîyasî û sazgehê sivîl, meclîs û komînan vernîya merkezê Kongra Starî yê taxa Şêxmeqsûdî ya Helebî protestoyêk organîze kerd.

 

Protestoyî de endama Koordînasyona Kongra Starî Rûşîn Mûsa eşkerayîyêke wend û hêriş şermezar kerd.

 

Rûşîne ard ziwan ke dewleta tirke seba nimitişê sûcî û binpaykerdişanê xo rojnamegeran keno hedef. Rûşîne venga sazgehê  merdim û huqûqî kerd ke hemverê nê sûcan vengê xo vejê, berpirsîyarîyê xo pê bîyarê û nêbê şirîkê dewleta tirke yê kiştişê şarî.

 

Rûşîne dîyar kerd ke do cinîyê Helebî hemverê nê hêrişan de têkoşîn berz bikerê.

 

Çalakî bi sloganê “Jin, Jiyan, Azadî” peynî bîye.