Melîke Aydin

 

ÎZMÎR - Bi serkêşîya Tevgerê Cinîyanê Sosyalîstan û Komeleya Paştdayîşê Cinîyan ê Guzeltepeyî do 2yîn Kampa Hamnanî ya Cinîyan bêra organîzekerdiş û cinî do tîya serê xerîteya rayîrê xo û rewşa cinîyan ê ewro de vimderê.

 

Bi serkêşîya Tevgerê Cinîyanê Sosyalîstan (SKH) û Komeleya Paştdayîşê Cinîyan ê Guzeltepeyî do 2yîn Kampa Hamnanî ya Cinîyan bêra organîzekerdiş û cinî do tîya serê xerîteya rayîrê xo û rewşa cinîyan ê ewro de vinderê. Do Kampa Hamnanî ya Cinîyan 2-3yê êlule de pê bêra. Na kampa serra vîyarte de Karaburun de virazîyabî do emser zî Foçayê Îzmîrî bêra organîzekerdiş. Do sloganê emserî "Ma azadîye de bi israr ê, ma serewedaritişî de bi israr ê" bo. Do na kampa de atolye, panel bêrê organîzekerdiş. Sewbîna kay, fîlm bêrê pêşkêşkerdiş. 

 

Organizatora kampe Fatma Nur Guçlu, derheqê kampe de qisey kerd.

 

'Ewro çi yeno ciwîyayîş ma do se bikerê’

 

Fatma Nur da zanayîş ke kampe de pêro kar bi hawayêkê kolektîf yeno kerdiş û wina vat: "Do derheqê xeta serewedaritişê cinîyan de belgefîlmî bêrê pêşkerdiş. Cinî sey metayêk yenê rojeve. Ma fo nê ser de vinderê. Ewro çi yeno ciwîyayîş, ma do se bikerê? Ma do nê ser de qisey bikerê.”

 

Amanc oyo ke cinî keye ra vejîyê

 

Fatma Nure dîyar kerd ê do tewr zêde cinîyê Taxa Guzeltepe ya qezaya Çigli de ronişenê, tewrê kampe bibê û no zî do serê Komeleya Cinîyan ê Guzeltepeyî de pê bêro û wina vat: "Cinîyê taxa Guzeltepeyî keye ra nêvejîyenê, ewnîyenê tut û kal û pîran ra. Seba ke ê zî vejîyê û seba paştdayîşê cinîyan bimojnê ma do na kampe organîze bikerê.”

 

Ameyîşê kampe muhîm o

 

Fatma Nure dîyar kerd ke cinî kampe de hêzê paştdayîşê cinîyan vînenê û vat: "Cinî wexto yenê tîya, helwestê înan ê hemverê mêrdeyê înan vuryeno. Cinî vînenê ke waştişê înan estê û hêzê înan ê çareserî esto. Coka zî ameyîşê kampe muhîm o.”

 

'Do paştdayîşê cinîyan bêro munayîş'

 

Fatma Nure da zanayîş ke dimayê panelan do bi netîceyêk baş kampan ra bivisîyê û vat: "Ma do sebebê awankerdişê komele û Tevgerê Cinîyan ê Sosyalîstan qal bikerê. Ma wazenê nê beşî zêde bibê. Ma wazenê komela de perwerde bidê tutan, seba tutan panelan viraznî. Ma wazenê wareyê ekonomî de zî cinî aver şêrê û berardiş bikerê. Her çîyê ke cinî bieşkê bikerê estê. Do paştdayîşê cinîyan bêro munayîş.”

 

Fatma da zanayîş ke eşkenê azadîya xo bi destê xo bigîrê û seba nê zî ganî xo ver bidê.

 

Do kampe de çi bêro kerdiş? 

 

Seba mendişê kampe pereyêk zaf tay bêro girewtiş. Do na kampe cinî û tutan rê akerde bibo. Do qeydî zî  heta roja peyîn dewam bikerê. 

 

Panelê ke bêrê organîzekerdiş

 

Cinî û Medya, Keda zerreyê keyeyî de, ewnîyayîşê sinife ya têkoşînê cinî. Çîyo ke yeno ciwîyayîş şorişê cinîyan o. Peymana Stenbolî û heqê ma yê ke ameyê bidestkerdiş. 

 

Muracat:

 

İnstagram:

 

@sosyalistkadinhareketi

@guzeltepekadindayanisma dernegî

 

Twitter:

 

@skadinhareketi seba rezervasyonî eşkenê têkilî ronê.