AMED - Muxabîra ma Derya Rena ke zîndan de ya, dîyar kerd ke wexto ê hewl danê derheqê problemanê xo de sazgehan rê mektûbe bişirawê, mektûbê înan bi sebebê ke îtîbarê zîndanî keweno tehluke yenê desteserkerdiş.

 

Mûxabîra ma Derya Rena ke Zîndanê Padeyî yê Cinîyan ê Amedî de ya, bi rayîrê avûkatê xo problemanê zîndanî qalî kerd.

 

Derya dîyar kerd ke zîndan de heqê posta 28 lîra ra bi 37 lîra û vaykerdişê diyîn de zî bi 42 lîra. Derya, da zanayîş ke seba nê sebebî nuştişê mektûban zîndan de zehmet bîyo û wina vat: "Ma OHD, ÎHD û Baroyê Amedî ra mektûbe nuşt ke hem na rewşe, hem zî rewşa xo ya pêroyî neql bikerê. Mektûbê ke ma nuştê, bi sebebê ke zirar danê îtîbarê zîndanî, ameyî desteserkerdiş.” Rojnamegeran û rayaumumî ra waşt ke vengê înan bidê eşnawitiş.