MERKEZÊ XEBERAN - Di berardişê newe yê şîîre û hîkayeyê cinîyan, serê nameyê Komeleya Edebîyatkarê Kurdî de vejîya.

 

Berardişê bi nameyê Hîkayeyê Cinîyanê Edebîyatkaran û Şîîrê Cinîyanê Edebîyatkaran serû nameyê Komeleya Edebîyatkaranê Kurdan de vejîya. Berardişê Hîkayeyê Cinîyanê Edebîyatkaran hîkayeyê hetê cinîyan ra ameyê nuştiş pê yenê û amadekarîya ci zî hetê rojnamegere û nuştoxe Roza Metîna ra ameyo kerdiş. Berardişê Şîîrê Cinîyanê Edebîyatkaran zî şîîrê ke hetê cinîyan ra ameyê nuştiş, estê. Amadekarîyê nê berardişî zî hetê Zozan Gulan û Nurcan Delil ra ameyo kerdiş. 

 

Wurdî berardişî zî bi ziwanê kurdkî yê

 

Berardişê ke bi keda cinîyan ameyê amadekerdiş bi ziwanê kurdkî ameyê nuştiş. Berardişê Hîkayeyê Cinîyanê Edebîyatkaran 192 rîpel ê û hîkayeyê 35 cinîyan ci de ca gênê. Şîîrê Cinîyanê Edebîyatkaran zî 208 rîpel ê û şîîrê 79 cinîyan ci de ca gênê. Berardişê bi nameyê Hîkayeyê Cinîyanê Edebîyatkaran û Şîîrê Cinîyanê Edebîyatkaran hetê  Weşanxaneyê J&Jyî ra ameyê çapkerdiş.